Psalm 94:16 - Pennsylvania Dutch Bible

¹⁶ Veah shtayt uf fa mich geyyich di gottlohsa? Veah shtayt miah bei geyyich di evil-shaffah?

Psalm 94:16 ပူးပေါင်းရင်းမြစ်များ

2. Kaynicha 10:15

Vo eah datt vekk is hott eah da Jonadab, em Rechab sei boo, ohgedroffa es am een ingeyya kumma voah. Da Jehu hott een gegreest un kfrohkt, “Is dei hatz mitt mei hatz vi mein is mitt deim?” Da Jonadab hott ksawt, “Es is.” Da Jehu hott ksawt, “Vann's is, dann gebb miah dei hand.” So hott eah eem sei hand gevva, un da Jehu hott eem ruff kolfa in sei vauwa.

2. Kaynicha 9:32

Da Jehu hott nuff an's fenshtah gegukt un hott nuff gegrisha, “Veah is uf mei seit? Ennich-ebbah?” Zvay adda drei kemmahrah henn nunnah gegukt an een.

Nehemia 5:7

Ich habb dee sacha ivvah-gedenkt, un habb di evvahshti un foah-gengah fasholda un ksawt zu eena, “Diah sind am indressa nemma funn eiyah aykni breedah!” No habb ich en grohsi fasamling zammah groofa veyyich demm.

Psalm 118:6

Da Hah is bei miah, ich zayl mich nett feicha. Vass kenna di mensha du zu miah?

Psalm 17:13

Shtay uf, oh Hah, shtell dich fannich si un bring si nunnah, dray mich lohs funn di gottlohsa mitt dei shvatt.

Psalm 59:2

Hald mich funn selli es evil shaffa, un hald mich vekk funn mensha es bloot fageesa.

Jesoiya 59:16

Eah hott ksenna es nimmand datt voah; eah hott sich fashtaund es nimmand datt voah fa ufshtay digeyya; so is eah selli sacha ivvah-kumma mitt sei ayknah oahm, un sei gerechtichkeit hott bei eem kshtanna.

Jesoiya 63:5

Ich habb gegukt, avvah's voah nimmand fa helfa, ich voah fashtaund es nimmand miah bei-kshtanna hott; so hott mei ayknah oahm miah ivvah-hand gevva, mei zann hott miah graft gevva.

Jeremia 5:1

“Gay uf un ab deich di shtrohsa funn Jerusalem, gukk un nemm's ei; such deich di shtatt iahra shtrohsa. Vann du ay mensh findsht es eahlich is un di voahheit sucht, dann fagebb ich di shtatt.

Ezekiel 22:30

Ich habb gegukt fa en mann unnich eena fa di vand ufbauwa, un fa fannich mich shtay im loch zvishich miah un em land, so es ich's nett folshtendich fadauva muss, avvah ich habb nimmand kfunna.

4. Mosi 10:35

Vann-evvah es di Bundes-Lawt naus kshteaht is, hott da Mosi ksawt, “Shtay uf, oh Hah! Loss dei feinda fashtroit sei, un selli es dich hassa, fannich diah vekk shpringa.”

Matthäus 12:30

Veah nett uf mei seit is, is geyyich mich, un veah miah nett helft eisamla is am ausnannah shtroiya.

3. Johannes 1:8

Fasell sedda miah so leit uf nemma so es miah mitt-helfah sinn in di voahheit.

Richtah 5:23

‘Faflucht sei di shtatt funn Meros,’ sawkt da engel fumm Hah, ‘en veeshtah fluch sei uf iahra leit, veil si nett kumma sinn em Hah helfa, em Hah helfa geyyich di mechticha.’