Psalm 93:1 - Pennsylvania Dutch Bible

¹ Da Hah is kaynich, un is geglayt in hallichkeit; da Hah is geglayt in hallichkeit un ohgedu mitt graft. Eah hott di veld fesht gegrund un see kann nett gmooft sei.

Psalm 93:1 ပူးပေါင်းရင်းမြစ်များ

1. Chronik 16:30

Di gans veld soll ziddahra fannich eem! Di eaht is fesht gegrund, un kann nett gmooft sei.

1. Chronik 16:31

Losset di himla sich froiya, un di eaht fraylich sei; loss si sawwa zu di heida, “Da Hah is kaynich!”

1. Chronik 29:12

Reichheit un eah kumma funn diah, un du roolsht ivvah alles. In dei hand is graft un macht fa leit eah gevva un alli-ebbah shteik macha.

Hiob 40:10

Du dich oh mitt grohsi eah un glitz, glayt dich mitt hallichkeit un kaynich-eah.

Psalm 103:19

Da Hah hott sei kaynich-shtool ufketzt im himmel, un sei Kaynich-Reich roold ivvah alles.

Psalm 145:13

Dei Kaynich-Reich is en ayvich reich, un dei Kaynich-Macht bleibt deich alli nohch-kummashaft. Da Hah is shtandhaftich in alles es eah fashprocha hott, un gnaydich zu alles es eah gmacht hott.

Psalm 18:32

Es is Gott es mich shteik macht, eah macht mei vayk grawt.

Psalm 59:13

reib si aus in deim zann unni gnawt; reib si aus biss si nimmi sinn. No zayld alli-ebbah vissa es Gott roold in Jakob biss an's end funn di eaht. (Sela)

Psalm 65:6

du es di berga gmacht hosht mitt dei graft, un dei grohsi macht gvissa hosht,

Psalm 65:7

du es di yacht fumm say shtill machsht, di yacht funn di vella, un's rawsicha funn di mensha.

Psalm 75:3

Vann di eaht un awl iahra leit ziddahra, dann hayb ich iahra poshta grawt uf. (Sela)

Psalm 96:10

Sawwet unnich di heida, “Da Hah is kaynich!” Eah hott di veld fesht ksetzt, un si kann nett gmooft sei; eah richt di leit recht.

Psalm 97:1

Da Hah is kaynich, loss di eaht sich froiya, un di islands froh sei.

Psalm 99:1

Da Hah is Kaynich, loss di leit ziddahra; eah hokt uf em kaynich-shtool zvishich di cherubim, loss di eaht shidla.

Jesoiya 11:5

Gerechtichkeit zayld um sei bauch rumm sei, un shtandhaftichkeit zayld um sei hiftza rumm sei.

Jesoiya 45:12

'Sis mich es di eaht gmacht hott, un ich habb di leit kshaffa es drinn sinn. Mei aykni hend henn di himla auskshtrekt, un ich hayb di shtanna im blatz.

Jesoiya 45:18

Dess is vass da Hah sawkt, deah es di himla kshaffa hott, eah is da Gott es di eaht kshaybt un gmacht hott, un es see gegrund hott. Eah hott see nett gmacht fa leah sei, avvah so es leit drinn sei sella. Eah sawkt, “Ich binn da Hah, un's hott kenn anrah.

Jesoiya 49:8

Dess is vass da Hah sawkt: “An di zeit funn gnawt havvich diah andvat gevva, un am dawk funn di saylichkeit havvich diah kolfa. Ich zayl dich heeda un macha es du en bund bisht zu di leit, fa's land zrikk nemma, un's fadauva land fadayla unnich di eahvah.

Jesoiya 51:16

Ich habb mei vadda in dei maul gedu, un dich fashtekkeld im shadda funn mei hand. Ich habb di himla in da blatz gedu un da grund glaykt fa di eaht, un binn sellah es sawkt zu Zion, ‘Diah sind mei leit.’”

Jesoiya 51:9

Vekk uf, vekk uf, mach dich shteik, du oahm fumm Hah. Vekk uf, so vi in di alda dawwa, so vi in di layves-zeida funn lang zrikk. Voah's nett dich es Rahab fahakt hott, es es dracha-diah deich kshtocha hott?

Jesoiya 52:7

Vi leeblich uf di berga sinn di fees funn sellah es goodi zeiya bringd, sellah es fridda ausrooft, sellah es es fraylich vatt bei bringd, sellah es di saylichkeit breddicht, un sellah es sawkt zu Zion, “Dei Gott is kaynich!”

Jesoiya 59:17

Eah hott gerechtichkeit ohgedu vi en brusht-playt, un hott en greeks-hoot funn saylichkeit uf sei kobb. Eah hott auseeves ohgedu vi glaydah, un sei zann vi en ivvah-rokk.

Jesoiya 63:1

Veah is dess es am kumma is funn Edom, funn Bozra, mitt sei rohdi glaydah? Veah is dess mitt feini glaydah, am fassich dredda mitt grohsi graft un gvald? “Es is mich, sellah es shvetzt in gerechtichkeit, un es mechtich is fa helfa.”

Matthäus 6:13

Un fiah uns nett in di fasuchung, avvah hald uns fumm evila. Fa dei is es Reich, di graft, un di hallichkeit in ayvichkeit. Amen.

Hebräer 1:8

Avvah veyyich em Sohn hott eah ksawt, “Du hoksht uf dei kaynich-shtool, oh Gott, funn ayvichkeit zu ayvichkeit, du fiahsht dei Reich in gerechtichkeit.

Di Offenbarung 19:6

Ich habb no en shtimm keaht vass glaut hott vi en grohsi drubb, vi en shtimm funn en grohs vassah un en shtimm funn laut gviddah am naus greisha, “Halleluja! Unsah Hah, da Awlmechtich Gott, is nau Kaynich fumm reich.