Psalm 90:17 - Pennsylvania Dutch Bible

¹⁷ Loss di gnawt fumm Hah unsah Gott uf uns sei, sayken di eahvet es miah doon mitt unsah hend, yau, sayken di eahvet funn unsah hend.

Psalm 90:17 ပူးပေါင်းရင်းမြစ်များ

Hiob 22:28

Vass du diah foah-nemsht zayld goot ausdrayya, un's licht zayld uf dei vayya sheina.

Psalm 110:3

Dei leit zayla sich frei-villich ohbeeda, uf em dawk es du eena foah gaysht im heilicha glayt. Vi du yung voahsht, kumma dei grefta zu diah alli dawk vi da dau aus em meiya-roht.

Psalm 118:25

Helf uns, oh Hah, helf, so es es goot ausshaft fa uns, oh Hah.

Psalm 27:4

Ay ding habb ich kfrohkt fumm Hah, sell zayl ich nohch gay: so es ich im Hah sei haus bleiva kann mei layva lang, fa sayna vi shay es da Hah is, un fa een sucha in seim tempel.

Psalm 50:2

Gott sei hallichkeit sheind raus aus Zion, di shtatt es drivvah-naus shay is.

Psalm 68:28

Grikk dei macht zammah, oh Gott, veis dei graft, oh Gott, es du gvissa hosht fa uns difoah.

Psalm 80:3

Mach uns vass miah als voahra, oh Gott, un loss es licht funn dei ksicht uf uns sheina, so es miah kolfa sei kenna.

Psalm 80:7

Mach uns vass miah voahra, oh Almechtichah Gott, un loss es licht funn dei ksicht uf uns sheina, so es miah kolfa sei kenna.

Shpricha 16:3

Gebb ivvah zumm Hah sell es du du vitt, un du zaylsht dei eahvet recht ausdrawwa.

Jesoiya 26:12

Du shafsht fridda fa uns, Hah, alles es miah ausgricht henn hosht du gedu fa uns.

1. Korinther 3:7

So dann, deah vo blanst adda deah vo vessaht is nix, avvah yusht Gott, deah vo's vaxa macht.

2. Korinther 3:18

Avvah miah awl, mitt abgedekti ksichtah, sayna di hallichkeit fumm Hah, so es vann miah am in en shpikkel gukka veahra, sinn miah am in sei gleichlichi fashtelling gedrayt vadda funn hallichkeit zu hallichkeit, un dess is fumm Geisht da Hah.

2. Thessalonicher 2:16

Avvah unsah Hah Jesus Christus selvaht, un unsah Gott un Faddah, deah vo uns gleebt hott un uns en ayvichah drohsht un en goodi hofning gevva hott deich di gnawt,

1. Johannes 3:2

Mei leeblichi, miah sinn nau kinnah funn Gott, un vass miah sei zayla is noch nett gvissa gmacht. Avvah miah vissa vann eah sich moll veist, dann zayla miah sei vi eah is, fa miah zayla een sayna vi eah is.