Psalm 90:16 - Pennsylvania Dutch Bible

¹⁶ Loss dei verka gvissa sei zu dei gnechta, un dei hallichi graft zu iahra kinnah.

Psalm 90:16 ပူးပေါင်းရင်းမြစ်များ

Psalm 44:1

Miah henn keaht mitt unsah oahra, oh Gott, unsah foah-feddah henn uns es fazayld, vass du gedu hosht in iahra zeit, in di alda dawwa.

Psalm 77:12

Ich zayl ivvah awl dei verka denka, un zayl zrikk denka an awl dei kshefta.

Psalm 92:4

Du machsht mich fraylich bei dei verka, oh Hah; di verka funn dei hend macha mich singa mitt frayt.

Habakuk 3:2

Hah, ich habb keaht vi hohch ohksenna es du bisht; un di verka es du dusht macha es ich mich feich, oh Hah. Du si viddah in unsah dawk, in unsah dawk loss si vissa gmacht sei, in dei zann, fagess nett bamhatzichkeit.

5. Mosi 1:39

Avvah eiyah glenni kinnah es diah ksawt hend es gnumma sei zayla bei eiyah feinda, dee glenni es noch nett goot adda evil vissa, si zayla nei gay. Ich gebb eena's land un si zayla's ivvah-nemma.

5. Mosi 32:4

Eah is da Felsa, sei verka sinn folkumma; awl sei vayya sinn recht. En shtandhaftichah Gott es nix letzes dutt, gerecht un ufrichtich is eah.

Joshua 23:14

Nau mei zeit is do fa gay, vi awl dee uf di eaht. Alli vann funn eich vayst in seim hatz un sayl es da Hah eiyah Gott nett zrikk ganga is uf ennich ebbes es eah fashprocha hott. Alles es eah fashprocha hott voah gedu. Nett ay ding voah nett gedu.