Psalm 9:18 - Pennsylvania Dutch Bible

¹⁸ Selli es noht henn zayla nett immah fagessa sei, un di hofning funn di oahma gayt nett faloahra.

Psalm 9:18 ပူးပေါင်းရင်းမြစ်များ

Psalm 102:17

Eah heicht di gebaydah ab funn di falossana; eah fa'acht iahra gebayt nett.

Psalm 102:20

Eah hott's geyammah keaht funn di kfangana, un hott selli lohs gedrayt es doht gmacht sei henn sella.

Psalm 109:31

Fa eah shtayt uf di rechts hand funn sellah es noht hott, un macht een frei funn selli es een fadamma.

Psalm 12:5

Avvah da Hah sawkt, “Veil di shvacha nunnah gedredda sinn, un selli mitt noht am yammahra sinn, nau shtayn ich uf. Ich zayl hilf gevva zu eena, sell vass si en falanga henn difoah.”

Psalm 139:19

Oh Gott, vann du yusht di gottlohsa umbringa daytsht, un di bloot-dashtichi mennah funn miah vekk gay dayda!

Psalm 50:22

Nau meik dess, du es Gott fagesht, eb ich dich in shtikkah fareis, un's is nimmand fa's fahalda:

Psalm 71:5

Fa du bisht mei hofning, oh Hah, mei Gott, mei fadrauwung funn yungem uf.

Psalm 72:4

Eah soll di oahma funn di leit recht yoosa, selli helfa es noht henn, un selli nunnah dredda es anri nunnah dredda.

Psalm 9:12

Fa deah vo ayva kumd mitt di bloot-fageesah, fagest nett; eah fa'acht nett selli es leida un naus roofa.

Shpricha 23:18

'Sis gevislich en goodi hofning fa dich, un dei hofning zayld nett abkshnidda sei.

Shpricha 24:14

Grawt so is di veisheit goot fa dei sayl; vann du see finsht dann zayld's goot gay fa dich, un dei hofning vatt nett abkshnidda.

Lukas 1:53

Eah hott di hungahricha ufkfild mitt goodi sacha, un hott di reicha fatt kshikt unni ebbes.

Lukas 6:20

No hott eah ivvah sei yingah gegukt un hott ksawt, “Ksaykend sind diah vo oahm sind, fa's Kaynich-Reich funn Gott is eiyahs.

Jakobus 2:5

Heichet, mei leevi breedah, hott nett Gott di oahma in deahra veld raus groofa fa reich sei im glawva, un fa's Kaynich-Reich eahva vass eah fashprocha hott zu selli vo een leeva?