Psalm 9:10 - Pennsylvania Dutch Bible

¹⁰ Selli es dei nohma vissa doon iahra fadrauwa in dich; fa du, oh Hah, falosht selli nett es dich sucha.

Psalm 9:10 ပူးပေါင်းရင်းမြစ်များ

2. Samuel 22:3

Mei Gott is mei Felsa, vo ich mich fashtekla kann, mei Shield, un's Hann funn mei Saylichkeit. Eah is mei shteikah Roo-Blatz, un mei Fashtekkel-Blatz, mei Heiland es mich vekk hald funn fechtichi mennah.

1. Chronik 28:9

Un du, mei boo Solomon, lann da Gott funn dei faddah kenna un deen een mitt dei gans hatz un mitt en villichi sayl. Fa da Hah sucht di hatza aus, un fashtayt alles es di gedanka im sinn henn. Vann du een suchsht, zaylsht du een finna; avvah vann du een falosht, dann shtohst eah dich vekk fa'immah.

Psalm 37:28

Da Hah leebt sell vass recht is, un falost nett sei shtandhaftichi. Si vadda aus di kfoah kalda fa'immah, avvah di nohch-kummashaft funn di gottlohsa vadda abkshnidda.

Psalm 37:39

Di saylichkeit funn di gerechta kumd fumm Hah, eah is iahra grefta an di zeit funn druvvel.

Psalm 5:11

Avvah loss awl selli es diah drauwa sich froiya; loss si immah singa mitt frayt. Bedekk si un gebb acht uf si, so es selli es dei nohma leeb henn, sich froiya kenna veyyich diah.

Psalm 57:1

Sei gnaydich zu miah, oh Gott, sei gnaydich, fa in dich draut mei sayl. Im shadda funn dei flikkel nemm ich mich aus di kfoah, biss deah druvvel fabei is.

Psalm 91:14

“Veil eah mich leeb hott, dann zayl ich een frei macha,” sawkt da Hah; “veil eah mei nohma vayst, dann zayl ich een heeda.

Shpricha 18:10

Da nohma fumm Hah is vi en shteikah tavvah, en gerechtah mann kann datt anna shpringa un is sayf.

Jesoiya 25:4

Du voahsht en Roo-Blatz fa di oahma, en Roo-Blatz fa selli in noht un in dreebsawl, en Gebei im shtoahm, un Shadda in di hitz. Fa da ohften funn di unfashtendicha is vi en shtoahm am blohsa geyyich en vand.

Jesoiya 45:19

Ich habb nett hinna rumm kshvetzt, funn eiyets es es dunkel is; ich habb nett ksawt zumm Jakob sei nohch-kummashaft, ‘Suchet mich vo nix is.’ Ich binn da Hah un sawk di voahheit; ich sawk vass recht is.

Jeremia 29:13

Diah zaylet mich sucha un mich finna, vann diah mich suchet mitt eiyahm gans hatz.

Nahum 1:7

Da Hah is goot, un is en feshtah-blatz an di zeit funn druvvel; eah gebt acht uf selli es iahra fadrauwa in een doon.

Johannes 17:3

Un dess is ayvich layva, es si dich, da aynsisht voahlich Gott, kenna sella, un es si Jesus Christus, deah vo du kshikt hosht, kenna sella.

2. Korinther 4:6

Fa Gott, deah vo's licht kaysa hott fa sheina aus em dunkla, hott in unsah hatza ksheind fa uns es licht gevva funn di hallichkeit funn Gott im ksicht funn Jesus Christus.

2. Timotheus 1:12

Sell is favass es ich dee sacha leida du. Avvah ich shemm mich nett; fa ich vays veah ich geglawbt habb, un ich binn shuah es eah di macht hott fa halda vass eah miah gevva hott biss an sellah dawk.

1. Johannes 2:3

Un bei demm vissa miah es miah een kenna, vann miah sei gebodda halda.

1. Johannes 5:20

Miah vissa es Gott sei Sohn kumma is, un hott uns eisicht gevva, so es miah deah kenna kenna es voahheit is. Miah sinn in demm vo di voahheit is, sell is, in sei Sohn Jesus Christus. Eah is da voahhaftich Gott un's ayvich layva.