Psalm 89:5 - Pennsylvania Dutch Bible

⁵ Di himla preisa dei vundahra, oh Hah, un dei shtandhaftichkeit in di fasamling funn di heilicha.

Psalm 89:5 ပူးပေါင်းရင်းမြစ်များ

1. Chronik 17:11

Vann dei dawwa moll ivvah sinn, un du mitt dei foah-feddah bisht, dann setz ich ayns funn dei nohch-kummashaft uf noch diah. Eah zayld ayns funn dei boova sei, un ich mach sei kaynich-reich shteik.

1. Chronik 17:12

Eah zayld en haus bauwa fa mich, un ich mach sei kaynich-shtool shtay fa'immah.

Hiob 5:1

“Roof nau, dutt ennich ebbah diah andvat gevva? Zu vels funn di heilicha zaylsht du drayya?

Psalm 132:11

Da Hah hott kshvoahra zumm Dawfit, un funn demm drayt eah sich nett zrikk: “Ich zayl aynah uf dei kaynich-shtool setza, aynah es kumd aus deim leib.

Psalm 19:1

Di himla sawwa veyyich di hallichkeit funn Gott; un iahra grohsi himmel-shpann veist vass sei hend kshaffa henn.

Psalm 50:6

Di himla sawwa veyyich sei gerechtichkeit, fa Gott selvaht is da richtah. (Sela)

Psalm 61:8

No sing ich preis zu deim nohma fa'immah, so es ich dawk noch dawk du vass ich fashprocha habb.

Psalm 89:30

Avvah vann sei kinnah mei Ksetz falossa, un lawfa mei gebodda nett nohch,

Psalm 89:37

Es soll shtay fa'immah vi da moon, sellah shtandhaftich zaycha im himmel.” (Sela)

Psalm 89:7

Gott is kfircht in di fasamling funn di heilicha, un vundahboah hohch ufkohva ovvich selli um een rumm.

Psalm 97:6

Di himla sawwa veyyich sei gerechtichkeit, un awl di leit sayna sei hallichkeit.

Jesoiya 44:23

Singet mitt frayt, oh himla, fa da Hah hott dess gedu. Greish laut, du niddahsht dayl funn di eaht. Singet mitt frayt, diah berga un awl di baym in di busha. Fa da Hah hott da Jakob saylich gmacht, un veist's in sei hallichkeit deich Israel.

Jesoiya 9:6

Zu uns is en kind geboahra vadda, zu uns voah en sohn gevva; di macht fa uns roola zayld uf sei shuldahra roowa. Dess zayld sei nohma sei: Vundahboahrah Roht-Gevvah, Mechtichah Gott, Ayvichah Faddah, Evvahshtah Fridda-Machah.

Daniel 7:10

En revvah funn feiyah voah am lawfa, un is fannich eem raus kumma. Dausends un dausends henn een gedeend, un zeyya dausend mohl zeyya dausend henn fannich eem kshtanna. Di richtah henn sich anna kokt, un di bichah voahra uf gmacht.

Epheser 3:10

so es deich di gmay, di himlishi rulahs un ivvah-saynah nau bekand gmacht vadda kenna mitt Gott sei veisheit vo sich veist in mannichi vayya.

5. Mosi 33:2

Eah hott ksawt, “Da Hah is funn Sinai kumma, un is uf kumma ivvah si funn Seir vi di sunn; eah hott raus ksheind fumm Berg Pharan. Eah is kumma mitt dausends funn heilichi, un en feiyahrich ksetz voah an sei rechtsi hand.

2. Thessalonicher 1:7

Avvah diah vo am dreebsawl leida sind zaylet roo greeya mitt uns vann Jesus, da Hah, sich moll veist fumm Himmel mitt sei mechtichi engel.

1. Petrus 1:12

Es voah gevva zu eena fa vissa es si nett am sich selvaht deena voahra, avvah uns, vo si kshvetzt henn veyyich sacha es nau zu eich gebreddicht vadda. Dee sacha voahra gevva zu eich bei selli es es Effangaylium gebreddicht henn zu eich deich da Heilich Geisht vo fumm Himmel kshikt voah. Dess sinn sacha es di engel gleicha dayda nei gukka.