Psalm 89:30 - Pennsylvania Dutch Bible

³⁰ Avvah vann sei kinnah mei Ksetz falossa, un lawfa mei gebodda nett nohch,

Psalm 89:30 ပူးပေါင်းရင်းမြစ်များ

2. Samuel 7:14

Ich zayl sei faddah sei un eah zayld mei sohn sei. Vann eah letz dutt, shtrohf ich een mitt di root funn mensha un mitt di shlayk funn mensha.

1. Chronik 28:9

Un du, mei boo Solomon, lann da Gott funn dei faddah kenna un deen een mitt dei gans hatz un mitt en villichi sayl. Fa da Hah sucht di hatza aus, un fashtayt alles es di gedanka im sinn henn. Vann du een suchsht, zaylsht du een finna; avvah vann du een falosht, dann shtohst eah dich vekk fa'immah.

Psalm 119:53

Haysah zann kumd ivvah mich veyyich di gottlohsa, veil si dei ksetz falossa henn.

Psalm 132:12

Vann dei boova mei bund halda, un mei zeiknisa es ich si lanna zayl, no doon iahra boova aw uf deim kaynich-shtool hokka fa'immah.”

Psalm 89:5

Di himla preisa dei vundahra, oh Hah, un dei shtandhaftichkeit in di fasamling funn di heilicha.

Shpricha 28:4

Selli es es ksetz falossa, lohva di gottlohsa, avvah selli es es ksetz halda, shaffa geyyich si.

Shpricha 4:2

Ich gebb eich goodi lanning, falosset nett sell es ich eich lann.

Jeremia 33:17

Fa dess is vass da Hah sawkt: “Es zayld immah aynah fumm Dawfit sei nohch-kummashaft uf em kaynich-shtool funn Israel hokka.

Ezekiel 18:17

Eah hald sei hand funn letz du zu di oahma, un nemd nett zu feel indressa. Eah hald mei ksetz un lawft in mei gebodda. Sellah boo zayld nett shtauva fa sei daett sei sinda. Nay, eah zayld layva.

Ezekiel 18:9

vann eah in meim ksetz lawft un mei gebodda shtandhaftich hald, sellah mann is gerecht, un eah zayld layva,” sawkt da Awlmechtich Hah.

Ezekiel 20:19

Ich binn da Hah eiyah Gott; lawfet mei gebodda nohch un haldet mei ksetza.

Lukas 1:6

Si voahra awl zvay gerecht fannich em Hah un sinn unshuldich fannich eem gloffa in awl di gebodda.

5. Mosi 11:21

Dess is so es diah un eiyah kinnah lang layvet im land es da Hah kshvoahra hott fa eiyah foah-feddah gevva so lang es da himmel ovvich di eaht bleibt.