Psalm 84:3 - Pennsylvania Dutch Bible

³ Even di shpatz hott en haymet kfunna, un di shvalma en nesht fa iahra yungi, en blatz nayksht an deim awldah, oh Almechtichah Hah, mei Kaynich un mei Gott.

Psalm 84:3 ပူးပေါင်းရင်းမြစ်များ

2. Samuel 15:25

No hott da kaynich ksawt zumm Zadok, “Nemm di Bundes-Lawt funn Gott zrikk in di shtatt. Vann ich gnawt finn im Hah sei awwa, dann bringd eah mich zrikk un lost mich see viddah sayna un aw datt vo eah voond.

Psalm 116:7

Gay zrikk zu dei roo, mei sayl, fa da Hah voah goot zu diah.

Psalm 42:3

Mei awwa-vassah is mei ess-sach dawk un nacht, diveil es leit sawwa da gans dawk lang, “Vo is dei Gott?”

Psalm 43:4

No gayn ich an da awldah funn Gott, zu Gott, deah es mei grohsi frayt is; un ich dank dich mitt di harf, oh Gott, mei Gott.

Psalm 5:2

Heich mich zu diah roofa fa hilf, mei Kaynich un mei Gott; zu diah doon ich bayda.

Psalm 90:1

Oh Hah, du voahsht unsah voon-blatz fa'immah un immah.

Psalm 91:1

Sellah es unnich em dach fumm Alli-Haychshta bleibt, zayld im shadda fumm Awlmechticha voona.

Ezekiel 24:21

Sawk em haus funn Israel, ‘Dess is vass da Awlmechtich Hah sawkt: Ich zayl mei tempel unrein macha, deah es diah so shtols sind mitt, deah es diah eiyah gansah fadrauwa druff setzet, un di frayt funn eiyah awwa is. Un di boova un mayt es diah zrikk lossa hend missa, zayla umkumma mitt em shvatt.

Matthäus 23:37

Jerusalem, Jerusalem, du vo di brofayda doht machsht un shtaynichsht dee vo zu diah kshikt voahra. Vi oft hett ich geahn dei kinnah zammah gegeddaht vi en glukk iahra beeblen unnich iahra flikkel nemd, avvah du hosht nett vella.

Matthäus 8:20

Jesus hott ksawt zu eem, “Di faxa henn lechah, un di fekkel in di luft henn neshtah. Avvah da Mensha Sohn hott neiyets vo eah sich hee layya kann.”