Psalm 81:12 - Pennsylvania Dutch Bible

¹² So habb ich si ivvah-gevva zu iahra dikk-kebbichi hatza, un si glost iahra ayknah roht nohch gay.

Psalm 81:12 ပူးပေါင်းရင်းမြစ်များ

1. Mosi 6:3

No hott Gott ksawt, “Mei Geisht zayld nett shtreida mitt mensha fa'immah veil si mensha flaysh sinn, avvah iahra dawwa sella noch en hunnaht un zvansich yoah sei.”

2. Kaynicha 18:12

Dess hott blatz gnumma veil di leit funn Israel em Hah iahra Gott nett keicht henn, un henn sei bund gebrocha—alles es da Mosi, em Hah sei gnecht, gebodda hott. Si henn di gebodda nett abkeicht adda si auskfiaht.

Nehemia 9:16

Avvah unsah feddah voahra shtols, si henn sich kshteibaht un henn dei gebodda nett abkeicht.

Hiob 8:4

Dei kinnah henn an demm ksindicht geyyich Gott, so hott eah si ivvah-gedrayt zu di shtrohf funn iahra sinda.

2. Mosi 11:9

Da Hah hott no zumm Mosi ksawt, “Da Pharao zayld nett abheicha zu diah. Dess is so es ich feel vundahra du kann im land Egypta.”

Jesoiya 30:1

“Vay zu di shteibahricha kinnah,” sawkt da Hah, “dee es ausmacha vass zu du unni mich, dee es sich en bund macha mitt anri unni mei Geisht, un heifla ay sind noch di annah uf sich.

Jesoiya 30:9

fa dess is en fashtokt folk un falshi kinnah, kinnah es es nett doon fa heicha vass da Hah sawkt.

Jesoiya 42:24

Veah hott da Jakob ivvah-gedrayt fa kshtohla vadda, adda veah hott Israel zu di rawvah gevva? Voah's nett da Hah, deah es miah ksindicht henn digeyya? Si sinn nett in sei vayya gloffa, un henn sei ksetz nett kalda.

Jeremia 42:21

Ich habb eich's ksawt heit, avvah diah hend alsnoch nett alles gedu es da Hah eiyah Gott mich kshikt hott fa eich sawwa.

Jeremia 7:24

Avvah si henn nett keicht un acht katt. In blatz funn sell sinn si iahra ayknah roht nohch gloffa, un sinn iahra shteibahrich un evil hatz nohch ganga. Si sinn hinnahsich un nett fassich gloffa.

Ezekiel 20:8

Avvah si henn sich geyyich mich kshteld un mich nett abkeicht; si sinn nett lohs vadda funn di grausama gleichnisa fannich iahra awwa, un henn aw nett di abgettah funn Egypta falossa. No habb ich ausgmacht fa mei haysi gloot ausleahra uf si, un mei zann sich ausfiahra lossa geyyich si datt in Egypta.

Hosea 9:17

Mei Gott zayld si vekk shmeisa veil si eem nett keicht henn; si zayla rumm heah lawfa unnich di heida.

3. Mosi 26:14

Avvah vann diah miah nett heichet, un dee gebodda nett ausdrawwet,

Di Apostelgeschichte 14:16

Eah hott in di fagangana zeida di Heida glost iahra ayknah vayk gay.

Di Apostelgeschichte 7:42

No hott Gott sich vekk gedrayt un hott si ivvah-gevva fa di sunn, da moon un di shtanna deena, so vi's kshrivva is im buch funn di brofayda, ‘Oh diah leit funn Israel, hend diah fa fatzich yoah fee un opfah gopfaht zu miah in di vildahnis?

Römer 1:24

Fasell, hott Gott si ufgevva zu di lusht funn iahra aykni hatza in unreinichkeit, un hott si glost shanda dreiva unnich nannah mitt iahra aykni leivah.

1. Samuel 8:19

Avvah di leit henn's nett gedu fa da Samuel abheicha un henn ksawt, “Nay, miah vella en kaynich ivvah uns.