Psalm 78:61 - Pennsylvania Dutch Bible

⁶¹ Eah hott di Bundes-Lawt funn sei macht glost kfanga vadda, un hott sei hallichkeit glost in di hend funn di feinda gay.

Psalm 78:61 ပူးပေါင်းရင်းမြစ်များ

2. Chronik 6:41

Nau, oh Hah unsah Gott, shtay uf un kumm zu dei Roo-Blatz, du un di Lawt funn dei Macht. Loss dei preeshtah geglayt sei mitt saylichkeit, oh Hah unsah Gott, un loss dei saylichi sich froiya fa's goodes es du dusht.

Psalm 132:8

Shtay uf, oh Hah, un kumm zu dei Roo-Blatz, du un di Lawt funn dei Macht.

Psalm 24:7

Hayvet eiyah kebb uf, diah doahra, seind uf kohva, diah doahra funn lang zrikk, so es da Kaynich funn hallichkeit rei kumma kann.

Psalm 63:2

Ich habb dich ksenna im tempel, un habb dei macht un hallichkeit ksenna.

2. Mosi 40:34

No hott di volk da fasamling-tent zu gedekt, un di hallichkeit fumm Hah hott da tempel-tent kfild.

Richtah 18:30

Di leit fumm Dan henn sich en gleichnis ufketzt. Si henn da Jonathan, em Gerson sei boo, iahra preeshtah gmacht. Da Gerson voah em Mosi sei boo. Da Jonathan un sei boova voahra preeshtah fa di shtamm fumm Dan biss si kfanga sinn vadda im land un voahra vekk gedrawwa.

1. Samuel 4:17

Da mann es di zeiya gebrocht hott, hott ksawt, “Israel voah ivvah-kumma bei di Philishtah un hott missa shpringa funn eena. Feel leit voahra doht gmacht; dei zvay boova, da Hophni un da Pinehas, sinn doht, un di Bundes-Lawt funn Gott is gnumma vadda.”

1. Samuel 4:21

See hott da boo Ikabod kaysa un hott ksawt, “Di hallichkeit hott Israel falossa.” Dess voah veil di Bundes-Lawt funn Gott gnumma gvest voah un iahra shviah-faddah un iahra mann doht voahra.

1. Samuel 6:1

Di Bundes-Lawt fumm Hah voah im land funn di Philishtah fa sivva moonet.