Psalm 78:6 - Pennsylvania Dutch Bible

⁶ Dess is so es iahra nohch-kummashaft si lanna doon, even di kinnah es noch nett geboahra sinn, un es si no iahra kinnah dess sawwa sella.

Psalm 78:6 ပူးပေါင်းရင်းမြစ်များ

Esther 9:28

Dee dawwa henn nett fagessa gay sella un henn sella kalda sei bei alli family, kind un kinds-kind in alli land un alli shtatt. Un di Yudda henn nee nett ufheahra sella dee Purim-Dawwa halda un's soll aw nett fagessa gay bei iahra nohch-kummashaft.

Psalm 102:18

Dess soll kshrivva sei fa selli es nohch kumma, so es selli es geboahra sei zayla, da Hah lohva sella.

Psalm 145:4

Vass du gedu hosht vatt gepreist funn ay nohch-kummashaft zu di neksht; si fazayla veyyich dei mechtichi verka.

Psalm 22:31

Si zayla sei gerechtichkeit breddicha zu leit es noch nett geboahra sinn, un zayla sawwa vass da Hah gedu hott.

Psalm 48:13

Gukket an iahra vanda, un nemmet acht funn iahra kaynich-heisah, so es diah eiyah nohch-kummashaft dess sawwa kennet.

Psalm 71:18

Un nau even vann ich ald un groh binn, du mich nett falossa, oh Gott, biss ich dei macht fakindicht habb zu di kinds-kinnah, un dei graft zu selli es nohch kumma.

Psalm 90:16

Loss dei verka gvissa sei zu dei gnechta, un dei hallichi graft zu iahra kinnah.

2. Mosi 10:2

Dess is aw so es du fazayla kansht zu dei kinnah un dei kinds-kinnah veyyich di vundahboahra sacha es ich gedu habb in Egypta—di zaycha es ich gedu habb unnich eena—so es diah vissa kennet es ich da Hah binn.”

Joel 1:3

Sawwet's zu eiyah kinnah, un losset eiyah kinnah's sawwa zu iahra kinnah, un iahra kinnah zu iahra nohch-kummashaft.

5. Mosi 4:10

Fagesset nett da dawk es diah fannich em Hah eiyah Gott kshtanna hend am Berg Horeb, vo eah ksawt hott zu miah, “Fasamlet di leit fannich mich fa mei vadda heahra, so es si mich firchta so lang es si layva, un so es si iahra kinnah aw so lanna.”