Psalm 78:36 - Pennsylvania Dutch Bible

³⁶ Avvah si henn een ohkfiaht mitt iahra meilah; si henn glowwa zu eem mitt iahra zunga.

Psalm 78:36 ပူးပေါင်းရင်းမြစ်များ

Psalm 18:44

So kshvind es si mich heahra, heicha si miah, fremdi missa miah heicha.

Jesoiya 29:13

No sawkt da Hah, “Dee leit kumma nayksht zu miah mitt iahra maul, un gevva eah zu miah mitt iahra leftz, avvah iahra hatza sinn veit vekk funn miah. Si deena mich yusht mitt mensha-gebodda, es si ausvennich lanna.

Jesoiya 57:11

Veah hosht du dich kfeicht diveyya, es du gleekt hosht un mich fagessa hosht, un aw nett an mich gedenkt hosht? Voah's nett veil ich so lang shtill voah, un du hosht mich nimmi kfircht?

Jeremia 42:6

Es macht nix aus eb's goot adda shlecht is, miah zayla em Hah unsah Gott heicha, deah es miah dich am shikka sinn ditzu. Miah vella havva es es goot gayt mitt uns, vann miah em Hah unsah Gott heicha.”

Ezekiel 33:31

Mei leit kumma zu diah, so vi leit zammah kumma; si hokka fannich diah un heicha dei vadda ab, avvah si doon si nett ausdrawwa. Mitt iahra meilah lossa si oh si hedda leevi, avvah iahra hatza gukka yusht fa geld.

Hosea 11:12

Da Ephraim hott mich umringd mitt leeya, un's haus funn Israel mitt falshheit. Juda is alsnoch geyyich Gott, geyyich da shtandhaftich Heilich Gott.

Hosea 12:1

Da Ephraim feedaht sich uf em vind, alli dawk gayt eah em east vind nohch, un macht may leeya un fadauves mitt gvald. Eah macht en bund mitt em land Assur, un shikt ayl zu Egypta.

Hosea 12:2

Da Hah hott en shuld zu bringa geyyich Juda; eah zayld da Jakob shtrohfa fa sei vayya, eah zayld een zrikk betzawla fa vass eah dutt.

Micha 6:12

Di reicha leit in di shtatt doon feel shlechti sacha, si sawwa leeya un henn falshi zunga in iahra meilah.