Psalm 73:25 - Pennsylvania Dutch Bible

²⁵ Veah habb ich im himmel unni dich? Un siddah es ich dich habb, hott's nix anres uf di eaht es ich vill.

Psalm 73:25 ပူးပေါင်းရင်းမြစ်များ

Psalm 104:34

Loss mei gedanka veyyich eem kfellich sei zu eem; ich froi mich im Hah.

Psalm 16:11

Du veisht miah da vayk zumm layva; bei diah sei, macht mei frayt foll, un an dei rechtsi hand sinn blesiahra fa'immah.

Psalm 16:2

Ich habb ksawt zumm Hah, “Du bisht mei Hah; unni dich havvich nix goodes.”

Psalm 16:5

Da Hah is mei dayl funn di eahbshaft. Du veisht miah vi zu gay, un haldsht mei dayl fa mich.

Psalm 17:15

Avvah fa mich, ich in mei gerechtichkeit zayl dei ksicht sayna, un zayl zufridda sei fa dei gleichnis sayna vann ich uf vekk.

Psalm 37:4

Du dei falanga in da Hah, no gebt eah diah vass dei hatz havva vill.

Psalm 43:4

No gayn ich an da awldah funn Gott, zu Gott, deah es mei grohsi frayt is; un ich dank dich mitt di harf, oh Gott, mei Gott.

Psalm 63:3

Veil dei grohsi leevi bessah is es layva, dann doon mei leftz dich preisa.

Psalm 89:6

Fa veah in di himla is gleich vi da Hah? Veah unnich di kinnah funn di mechticha is vi da Hah?

Matthäus 10:37

Deah vo sei maemm un daett may leebt es mich, is mich nett veaht. Un deah vo sei boo adda maydel may leebt es mich, is mich nett veaht.

Matthäus 5:8

Ksaykend sinn selli vo reini hatza henn. Si zayla Gott sayna.

Philipper 3:8

Un may vi sell, ich acht alles es vi nix nayvich demm graysah ding; naymlich, es ich mei Hah, Jesus Christus kenn. Fa een habb ich alli sacha faloahra un ich acht si awl es vi drekk, so es ich Christus havva kann,

1. Johannes 3:2

Mei leeblichi, miah sinn nau kinnah funn Gott, un vass miah sei zayla is noch nett gvissa gmacht. Avvah miah vissa vann eah sich moll veist, dann zayla miah sei vi eah is, fa miah zayla een sayna vi eah is.

Di Offenbarung 21:3

No habb ich en laudi shtimm fumm Himmel keaht sawwa, “Gukk moll, nau is di vohnung funn Gott bei di mensha, un eah zayld bei eena layva. Si zayla sei leit sei, un Gott selvaht zayld bei eena sei, un iahra Gott sei.