Psalm 62:9 - Pennsylvania Dutch Bible

⁹ Niddah gachti mensha sinn yusht vi en ohften, hohch-gachti mensha sinn vi en leek; uf di vohk veeya si nix, alles zammah sinn si leichtah es en ohften.

Psalm 62:9 ပူးပေါင်းရင်းမြစ်များ

2. Samuel 15:31

Da Dawfit voah ksawt gvest es da Ahithophel im bund voah mitt em Absalom, so hott da Dawfit gebayda un ksawt, “Oh Hah, dray em Ahithophel sei roht zu dumhayda.”

2. Samuel 15:6

Da Absalom hott sich so ufgedrawwa fannich awl di Israeliddah es zumm kaynich kumma sinn fa iahra sach gricht greeya. Un so hott eah di hatza funn di Israeliddah mennah kshtohla.

2. Kaynicha 19:14

Da Hiskia hott da breef gnumma funn selli es en gedrawwa henn un hott en glaysa. No is eah nuff in da tempel fumm Hah ganga un hott en ausglaykt fannich da Hah.

Psalm 116:11

Un in meim angsht habb ich ksawt, “Awl mensha sinn leeyah.”

Psalm 118:9

Es is bessah fa em Hah drauwa, es vi em falossa uf di foah-gengah.

Psalm 142:3

Vann's meim geisht angsht vatt, is es dich es mei pawt vayst. Im vayk vo ich lawf henn si en fall ksetzt fa mich.

Psalm 39:11

Du zanksht un shtrohfsht mensha fa iahra sinda, du fazeahsht vass keshtlich is zu eena vi en shawb. Yaydah mensh is goah nix, yusht so vi en ohften. (Sela)

Psalm 39:5

Gukk moll, mei dawwa sinn yusht vi di brayding funn en hand, un mei layves-zeit vi nix in dei awwa, em mensh sei layva is yusht en ohften! (Sela)

Psalm 46:2

Fasell feicha miah uns nett, even vann di eaht unnah gayt, un vann di berga in di mitt funn da say falla;

Psalm 71:7

Ich binn vi en vunnah zu feel leit, avvah du bisht mei shteikah Roo-Blatz.

Jesoiya 26:4

Falosset eich uf da Hah fa'immah, fa Gott da Hah is en ayvichah Felsa.

Jesoiya 40:15

Geviss, di heida sinn gacht vi en drobb in en aymah, si sinn fanumma es vi shtawb uf en vohk; eah veekt di islands vi feinah shtawb.

Jesoiya 40:17

Fannich eem sinn awl di heida vi nix, eah nemd si fa nix veaht sei, un vennichah es nix.

Daniel 5:27

TEKEL, du voahsht gvohwa uf di vohk, un du voahsht zu leicht kfunna.

Matthäus 21:9

Un di leit vo fannich eem heah ganga sinn un dee vo hinnich eem nohch kumma sinn henn gegrisha, “Hosanna zumm Sohn fumm Dawfit! Glohbt is deah vo kumd im nohma fumm Hah! Hosanna im haychshta!”

Johannes 19:15

Si henn naus gegrisha, “Vekk mitt eem, vekk mitt eem, greitzich een!” Da Pilawtus hott ksawt zu eena, “Soll ich eiyah kaynich greitzicha?” Di hohchen-preeshtah henn ksawt, “Miah henn kenn kaynich unni da Kaisah.”

Römer 3:4

Ich dayt moll nett denka! Loss Gott voah kfunna sei, un alli mensh en leeyah; so vi's kshrivva shtayt, “So es du gerecht kfunna vasht in dei vadda, un es du ivvah-kumsht vann du gricht vasht.”

1. Samuel 1:15

Avvah di Hannah hott andvat gevvah un hott ksawt, “Nay, mei hah, ich binn en fraw es oahrich bedreebt is in meim geisht. Ich habb kenn vei adda shteik drinkes gedrunka, avvah ich habb mei sayl ausgleaht fannich em Hah.

1. Samuel 18:5

Vass-evvah es da Saul em Dawfit ksawt hott fa du hott eah goot ausgricht; un da Saul hott een ivvah di greeks-mennah ksetzt. Di leit henn dess awl geglicha un so henn aw em Saul sei hauptmennah.

1. Samuel 18:7

Vi si am dansa voahra henn si ksunga: “Da Saul hott sei dausends doht gmacht, un da Dawfit sei zeyya dausends.”

1. Samuel 23:12

No hott da Dawfit kfrohkt, “Zayla di leit funn Kegila mich un mei mennah ivvah-drayya im Saul sei hend?” Un da Hah hott ksawt, “Si zayla dich ivvah-drayya.”