Psalm 62:2 - Pennsylvania Dutch Bible

² Eah laynich is mei Felsa, mei Saylichkeit, un mei feshtah Roo-Blatz. Ich zayl nee nett shtolbahra adda falla.

Psalm 62:2 ပူးပေါင်းရင်းမြစ်များ

Psalm 18:2

Da Hah is vi en felsa un en shteik greeks-haus zu miah. Eah macht mich frei. Mei Gott is vi en felsa es ich hinna droh shtay kann unni kfoah. Eah is mei shield un's greftich hann funn mei saylichkeit, mei shteikah helfah.

Psalm 21:1

Oh Hah, da kaynich froit sich in dei graft; eah is oahrich froh fa dei hilf.

Psalm 27:1

Da Hah is mei licht un mei saylichkeit; funn vemm soll ich mich feicha? Da Hah is di Graft funn mei layva; veah brauch ich mich feicha diveyya?

Psalm 37:24

Vann eah shtolbaht, dutt eah nett falla, fa da Hah haybt sei hand.

Psalm 37:39

Di saylichkeit funn di gerechta kumd fumm Hah, eah is iahra grefta an di zeit funn druvvel.

Psalm 59:17

Zu diah, mei Grohsi Graft, ich zayl lohb singa, fa du, oh Gott, bisht mei feshtah-blatz un mei gnaydichah Gott.

Psalm 59:9

Mei Grohsi Graft, dich vill ich achta, fa du bisht mei sayfah Roo-Blatz.

Psalm 62:6

Eah laynich is mei Felsa, mei Saylichkeit un mei feshtah Roo-Blatz. Ich zayl nee nett shtolbahra adda falla.

Psalm 89:26

Eah zayld sawwa zu miah, ‘Du bisht mei Faddah, mei Gott un da Felsa funn mei saylichkeit’.

Jesoiya 26:4

Falosset eich uf da Hah fa'immah, fa Gott da Hah is en ayvichah Felsa.

Jesoiya 32:2

Yaydahs funn eena zayld sei vi en blatz aus em vind, vi en blatz es ma sich fashtekla kann fumm shtoahm, vi en vassah-grikk es lawft in en drukka land, un vi da shadda funn en grohsah felsa in en drukkanah blatz.

Glawk-Leedah 3:26

Es is en goot ding fa hofning havva, un fa geduldich voahra uf em Hah sei saylichkeit.

1. Korinther 10:13

Es is kenn fasuchung ivvah eich kumma es noch nett kumma is zumm mensh. Avvah Gott is shtandhaftich, un lost nimmand so hatt fasucht vadda es eah nett ufshtay kann digeyya. Avvah an di zeit funn di fasuchung gebt eah eich en vayk fa raus, so es diah ufshtay kennet digeyya.