Psalm 58:6 - Pennsylvania Dutch Bible

⁶ Oh Gott, fabrech di zay in di yunga layb iahra meilah; reis di fang-zay aus iahra meilah, oh Hah!

Psalm 58:6 ပူးပေါင်းရင်းမြစ်များ

Hiob 29:17

Ich habb di zay fabrocha funn di ungerechta, un habb selli es kfanga voahra aus iahra maul grissa.

Hiob 41:14

Vee dayt ebbah drauwa di deahra funn sei maul uf macha, siddah es sei maul en ring mitt feichboahri zay hott?

Psalm 10:15

Fabrech da oahm fumm gottlohsa un evila mann. Such awl sei ungettlichkeit raus, biss kens may kfunna sei kann.

Psalm 17:12

Si sinn vi en layb es fareisa vill, vi en yungah layb am voahra im shadda.

Psalm 3:7

Shtay uf, oh Hah! Helf miah, oh mei Gott! Fa du shlaksht awl mei feinda uf da bakka; du fabrechsht di zay funn di ungettlicha.

Psalm 91:13

Du zaylsht uf da layb un di shlang dredda; da yung layb un di giftich shlang zaylsht du fashtamba.

Breddichah 10:11

Aynah es kshvetzah drawkt, beist vi en shlang eb see zohm gmacht is beim shlanga-mann.

Jesoiya 31:4

Dess is vass da Hah ksawt hott zu miah: Vi en layb adda en yungah layb gnatt ivvah vass eah kfanga hott, un vann en gansi drubb shohf-heedah greisha ivvah een, feicht eah sich nett veyyich iahra shtimma, adda veyyich iahra yacht— so zayld da Awlmechtich Hah runnah kumma, un zayld greek macha uf em Berg Zion, un uf sei hivvel.

Jeremia 8:17

“Gukket moll,” sawkt da Hah, “ich zayl shlanga unnich eich shikka, giftichi shlanga es nett gezohmd sei kenna, si zayla eich beisa.”

Hosea 5:14

Ich zayl sei vi en layb zu Ephraim, vi en grohsah layb zu Juda. Ich reis si in shtikkah un gay difunn, ich drawk si fatt, un nimmand kann eena helfa.

Micha 5:8

Selli es ivvahrich sinn aus em Jakob zayla unnich di heida kshtroit sei, unnich feel leit vi en layb unnich di diahra fumm bush, vi da yung layb unnich di shohf-drubba es si famawld un fareist vi eah gayt, un es nimmand shtobba kann.

4. Mosi 23:24

Dee leit shtayn uf vi en muddah-layb, un vi en shteikah layb bleiva si shtay. Eah root nett biss eah kfressa hott, un's bloot gedrunka hott funn seim diah es eah doht gmacht hott.”