Psalm 51:14 - Pennsylvania Dutch Bible

¹⁴ Hald mich funn bloot-shuldich sei, oh Gott, du, da Gott es mich saylich machsht, un mei zung zayld singa funn dei gerechtichkeit.

Psalm 51:14 ပူးပေါင်းရင်းမြစ်များ

1. Mosi 42:22

Da Ruben hott no ksawt zu eena, “Havvich eich nett ksawt fa nett sindicha geyyich sellah boo? Avvah diah hend mich nett abkeicht. Nau missa miah betzawla fa sei bloot.”

1. Mosi 9:6

Veah-evvah es mensha-bloot fageest, bei em mensh soll sei bloot fagossa sei. Fa Gott hott da mensh in sei aykni gleichnis gmacht.

2. Samuel 12:9

Favass hosht du em Hah sei vatt fa'acht bei so evil du in sei awwa? Du hosht da Uriah da Hethiddah nunnah kshlauwa mitt em shvatt un hosht sei fraw gnumma fa dei aykni sei. Du hosht een doht gmacht mitt em shvatt funn di Ammoniddah.

2. Samuel 21:1

Es voah en hungahs-noht gvest in di dawwa fumm Dawfit fa drei yoah, ayns noch em anra. No hott da Dawfit em Hah sei ksicht ksucht, un da Hah hott ksawt, “Dess is kumma deich da Saul un sei bloot-fageesichi family, veil si di Gibeoniddah doht gmacht henn.”

2. Samuel 3:28

Shpaydah vo da Dawfit dess keaht hott, hott eah ksawt, “Ich un mei kaynich-reich sinn ayvichlich unshuldich fannich em Hah fa's bloot fumm Ner sei boo da Abner.

Ezra 9:13

Alles es ivvah uns kumma is voah deich unsah evili verka un unsah grohsi shuld, un doch, du oh Gott, hosht uns vennichah kshtrohft es miah fadeend henn, un hosht uns dee ivvahricha leit zrikk gevva es kfanga voahra.

Nehemia 9:33

Du bisht gerecht in alles es du uf uns kumma glost hosht, du hosht recht gedu, avvah miah henn letz gedu.

Psalm 25:5

Fiah mich in dei voahheit un lann mich, fa du bisht da Gott funn mei saylichkeit; mei hofning is in diah da gans dawk.

Psalm 26:9

Nemm mei sayl nett vekk mitt sindah, adda mei layva mitt mennah es bloot fagossa henn—

Psalm 35:28

Mei zung zayld shvetza veyyich dei gerechtichkeit, un zayld dich alli dawk preisa.

Psalm 38:22

Dummel dich un helf miah, oh Hah, mei Saylichkeit.

Psalm 55:23

Avvah du, oh Gott, zaylsht di gottlohsa in's deefsht grawb shtohsa. Bloot-fageesah un falshi mennah zayla nett dihelft funn iahra dawwa auslayva. Ich avvah, du mei fadrauwa in dich.

Psalm 68:20

Unsah Gott is da Gott es uns saylich macht, eah is da Gott, unsah Hah, es uns fumm doht hald.

Psalm 88:1

Oh Hah Gott, mei Heiland, ich roof zu diah fa hilf dawk un nacht.

Jesoiya 12:2

Gott is geviss mei saylichkeit; ich drau eem un zayl mich nett feicha. Gott da Hah is mei Graft un mei Psaltah-Leet; eah is mei saylichkeit vadda.”

Jesoiya 45:17

Avvah Israel zayld frei gmacht sei beim Hah, dess zayld en ayvichi frei-shtelling sei. Du zaylsht nee nimmi fashohmd adda gedaymeedicht vadda deich di gans ayvichkeit.

Ezekiel 33:8

Vann ich zumm gottlohsa mensh sawk, ‘Oh gottlohsah mensh, du zaylsht doht shtauva,’ un du sawksht eem dess nett so es sellah mensh gvand vatt veyyich sei gottlohsi vayya, dann zayld sellah mensh shtauva in sei sinda, avvah ich hayb dich shuldich fa sei bloot.

Daniel 9:16

Oh Hah, so vi du awl dei gerechti sacha gedu hosht, dray nau dei zann vekk un sei nett bays mitt dei shtatt Jerusalem uf deim heilicha hivvel. Unsah sinda un di sinda funn unsah foah-feddah henn di leit um uns rumm gmacht nunnah gukka uf Jerusalem un dei leit.

Daniel 9:7

Du bisht gerecht, oh Hah, avvah miah missa uns shemma, so vi's gayt mitt di mennah funn Juda, di leit funn Jerusalem, gans Israel nayksht un veit vekk in awl di lendah es du uns anna gedrivva hosht veil miah nett shtandhaftich voahra mitt diah.

Hosea 4:2

Avvah fluches, leeyes, maddahrei, shtayles un aybreches hott ivvah-hand gnumma. Un bloot-fageeses kumd ayns noch em anra.

Habakuk 3:18

doch zayl ich mich froiya deich da Hah, un zayl fraylich sei in Gott mei Frei-Shtellah.

Di Apostelgeschichte 18:6

No vo si geyyich een kshtanna henn un henn gleshtaht, hott da Paulus sei glaydah auskshiddeld un hott ksawt zu eena, “Eiyah bloot soll uf eiyah aykni kebb sei. Ich habb mei shuldichkeit gedu an eich. Ich gay nau zu di Heida.”

Di Apostelgeschichte 20:26

So sellet diah heit vissa es ich rein binn fumm bloot funn alli leit.

Römer 10:3

Fa diveil es si Gott sei gerechtichkeit nett fashtayn, un vella iahra aykni gerechtichkeit ausshaffa, dann henn si sich nett unnich di gerechtichkeit funn Gott gevva.