Psalm 5:9 - Pennsylvania Dutch Bible

⁹ 'Sis kenn voahheit in iahra maul, in iahra hatza vella si yusht nunnah reisa. Iahra hals is en grawb es uf is, un mitt iahra zung doon si yusht glatt shvetza.

Psalm 5:9 ပူးပေါင်းရင်းမြစ်များ

Ezra 8:21

No habb ich en fasht ausgevva datt am Revvah Ahava so es miah uns daymeedicha fannich unsah Gott, un een frohwa fa uns un unsah kinnah aus di kfoah halda uf em vayk mitt awl unsah sach.

Psalm 27:11

Veis miah dei vayk, oh Hah, fiah mich in en grawdi pawt, veil ich feel feinda habb.

Psalm 51:6

Yah, du vitt voahheit havva innahlich in miah, un lansht mich deef in meim hatz fa veisheit havva.

Psalm 52:2

Dei zung macht shawda; si is vi en shaufah raysah, du fafiahrah.

Psalm 62:4

Si denka yusht vi si een runnah bringa kenna funn sei hohchah blatz. Si henn frayt in leeya. Mitt iahra meilah saykna si, avvah mitt iahra hatza faflucha si. (Sela)

Psalm 62:9

Niddah gachti mensha sinn yusht vi en ohften, hohch-gachti mensha sinn vi en leek; uf di vohk veeya si nix, alles zammah sinn si leichtah es en ohften.

Psalm 64:6

Si henn evili sacha im sinn un sawwa, “Miah henn en shlichtich ding ausgmacht.” Fa di innahlichi gedanka fumm mensh sinn deef.

Psalm 69:19

Du vaysht vi ich falacht, fashohmd un nunnah gedu binn; awl mei feinda sinn fannich diah.

Shpricha 29:5

En mann es sei nochbah ohshmaycheld, shpand en net fa sei fees.

Jesoiya 26:7

Da vayk funn di gerechta is ayva, du machsht di pawt funn di gerechta grawt.

Jeremia 17:9

Es hatz is fafiahrich ovvich alles shunsht un oahrich veesht. Veah kann's fashtay?

Jeremia 4:14

Vesh dei hatz funn evil, oh Jerusalem, so es du kolfa sei kansht. Vi lang zaylsht du gottlohsi gedanka hayva?

Micha 6:12

Di reicha leit in di shtatt doon feel shlechti sacha, si sawwa leeya un henn falshi zunga in iahra meilah.

Lukas 11:39

No hott da Hah ksawt zu eem, “Diah Pharisayah veshet di autseit fumm kobli un di shissel, avvah inseit sind diah greedich un foll ungerechtichkeit.

Lukas 11:44

Vay zu eich, shrift-geleahrah un Pharisayah! Fa diah sind vi grayvah im grawb-hohf es ma nett saynd, un leit lawfa ivvah si un vissa's nett.”

Römer 3:13

Iahra hals is en grawb vo uf is; mitt iahra zunga doon si fafiahra; shlanga-gift is unnich iahra leftz.

1. Thessalonicher 2:5

Fa diah visset es miah eich nee nett ufkshvetzt henn mitt shayni vadda, un aw nett mitt vadda es unsah glusht fashtekkeld kalda hott. Gott is unsah zeiknis zu demm.