Psalm 49:15 - Pennsylvania Dutch Bible

¹⁵ Avvah Gott kawft mei sayl frei funn di gvald fumm grawb, fa eah nemd mich zu sich selvaht. (Sela)

Psalm 49:15 ပူးပေါင်းရင်းမြစ်များ

1. Mosi 5:24

Diveil es da Henoch am en gettlich layva fiahra voah un am lawfa voah mitt Gott, hott Gott een vekk gnumma, un eah voah nimmi ksenna.

Psalm 31:5

In dei hend gevvich mei geisht, du hosht mich frei gekawft, oh Hah, du shtandhaftichah Gott.

Psalm 56:13

Fa du hosht mei sayl aus di kfoah fumm doht kalda, un mei fees kalda funn shtolbahra, so es ich fannich Gott lawfa kann, im licht funn layva.

Psalm 73:24

Du fiahsht mich mitt deim roht, un shpaydah nemsht mich oh mitt hallichkeit.

Psalm 86:13

Dei shtandhaftichi-leevi geyyich miah is grohs, un du hosht mei sayl aus em deefa grawb kalda.

Psalm 89:48

Vass fa en mensh kann layva un nett shtauva? Kann eah sei sayl aus di graft fumm grawb halda? (Sela)

Hosea 13:14

Soll ich si zrikk kawfa funn di graft fumm grawb? Soll ich si kawfa fumm doht? Oh doht, vo is dei peshtelens? Oh grawb, vo is dei shtechah? Bamhatzichkeit is fashtekkeld funn mei awwa.

Lukas 23:46

No hott Jesus naus gegrisha mitt en laudi shtimm, un hott ksawt, “Faddah, ich gebb mei geisht in dei hend!” Un vo eah sell ksawt katt hott, hott eah sei letshtah ohften gnumma.

Johannes 14:3

Un vann ich gay un en blatz risht fa eich, dann kumm ich viddah zrikk un nemm eich zu miah, so es vo ich binn datt zaylet diah aw sei.

Di Apostelgeschichte 7:59

Un vi si da Stephen kshtaynicht henn, hott eah Gott ohgroofa un ksawt, “Hah Jesus, nemm mei geisht zu diah.”

Di Offenbarung 14:13

No habb ich en shtimm fumm Himmel keaht sawwa zu miah, “Shreib, ‘Ksaykend sinn di dohda, dee vo shtauva im Hah funn nau on.’” “Yau,” sawkt da Geisht, “Si zayla roowa funn iahra eahvet, un iahra verka kumma eena nohch.”

Di Offenbarung 5:9

Un si henn en nei leet ksunga, un henn ksawt, “Du bisht's veaht fa's buch nemma un di seals uf macha. Fa du voahsht doht gmacht un dei bloot hott uns gekawft fa Gott funn alli kshlecht, un zung, un leit, un land.