Psalm 45:14 - Pennsylvania Dutch Bible

¹⁴ In ausgnaydi glaydah zayld see zumm kaynich kfiaht sei, iahra hochtzich-mayt kumma iahra nohch, un si vadda zu diah gebrocht.

Psalm 45:14 ပူးပေါင်းရင်းမြစ်များ

2. Mosi 27:16

'S doah fa da hohf soll en curtain sei es dreisich foos lang is, gmacht aus fei getwist linnen duch un goahn es bloh, purpel un roht is. Ebbah es goot nayya kann soll's curtain ausnayya, un's soll fiah poshta un fiah fees havva.

2. Mosi 28:39

Mach da shekkich, unnahsht rokk aus fei linnen duch un mach's kobb-duch aw aus fei linnen duch. Mach aw's duch-belt un nay shayni sacha druff.

Hohches Leet 2:7

Diah yungi mayt funn Jerusalem, ich frohk eich im nohma funn di hash un vildi diahra im feld, es diah di leevi nett ufvekket un fahinnahret biss es di leevi kfellich is.

Hohches Leet 6:1

Vo is dei beleebdah anna ganga, du shenshti unnich veibsleit? Vellah vayk is eah ganga, so es miah helfa kenna gukka fa een?

Hohches Leet 6:13

Kumm zrikk, kumm zrikk, oh Shulamiddah, kumm zrikk, kumm zrikk, so es miah dich vatsha kenna! Favass vellet diah see vatsha es vann see dansa dayt zvishich zvay roiya greeks-leit.

Hohches Leet 6:8

Es mechta sechtzich kaynich-veivah sei un achtzich nayva-veivah, un feel mayt unni nambah,

Hohches Leet 8:13

Du es in di goahra hoksht, mei freind sinn am voahra fa dei shtimm, loss mich dei shtimm aw heahra.

Johannes 17:24

Faddah, du hosht si zu miah gevva, un ich hett geahn es si bei miah sinn vo ich binn, so es si mei hallichkeit sayna kenna, di hallichkeit vo du miah gevva hosht. Fa du hosht mich gleebt eb di veld gmacht voah.

2. Korinther 11:2

Ich binn eahnshtlich fa eich mitt en gettlichah eahnsht. Fa ich habb eich fashprocha zu aym mann, Christus, so es ich eich gevva kann zu eem vi en rein leddich maydel.

Richtah 5:30

‘Si sinn yusht am di sacha nemma funn di leit es si gebodda henn, en maydel adda zvay fa yaydah mann, shayni glaydah fa da Sisera, shay-gekollaht un ausgnayt duch, ausgnayt duch fa di hels funn selli es gebodda henn.’