Psalm 44:7 - Pennsylvania Dutch Bible

⁷ Avvah du gebsht uns hilf ivvah unsah feinda, un fashohmsht selli es uns hassa.

Psalm 44:7 ပူးပေါင်းရင်းမြစ်များ

2. Samuel 7:10

Un ich mach en blatz fa mei leit Israel un blans si so es si iahra aykni haymet henn un nimmi gedruvveld sinn. Gottlohsi leit zayla si nimmi nunnah dredda vi si henn am ohfang,

Psalm 132:18

Ich zayl sei feinda glaydah mitt shohm, avvah da krohn uf sei kobb zayld sheina.”

Psalm 136:24

un hott uns frei gmacht funn unsah feinda, fa sei shtandhaftichi-leevi bleibt ayvichlich;

Psalm 140:7

Oh Almechtichah Hah, mei shteiki hilf, du haldsht mei kobb zu gedekt im dawk funn greek.

Psalm 144:10

du es di evvahsht-hand gebsht zu kaynicha, du es dei gnecht da Dawfit aus di kfoah fumm shvatt nemsht.

Psalm 40:14

Loss selli sich shemma un fashtatzt sei, es mei layva nemma vella un mich umbringa. Loss selli zrikk gedrayt sei un fashohmd sei, es gleicha dayda mich sayna unglikk havva.

Psalm 53:5

Datt zayla si in grohsi furcht sei, vo nix is zu feicha diveyya. Gott zayld di gnocha funn di ungettlicha fashtroiya, si zayla fashohmd sei, veil Gott si vekk kshtohsa hott.

Hosea 1:7

Avvah doch, ich zayl bamhatzichkeit veisa zumm haus funn Juda un hald si frei—nett beim bow, shvatt un greek, adda bei geil un geil-reidah, avvah beim Hah iahra Gott.”

Joshua 1:5

Kenn mann kann sich ufshtella geyyich dich so lang es du laybsht. Vi ich mitt em Mosi voah, so zayl ich mitt diah sei. Ich loss dich nee nett nunnah un ich loss dich nett hokka.

Joshua 10:42

Da Joshua hott awl dee kaynicha un iahra lendah gnumma an ay zeit veil da Hah, da Gott funn Israel, kfochta hott fa Israel.

Joshua 11:6

No hott da Hah zumm Joshua ksawt, “Feich dich nett veyyich eena. Bei dess zeit meiya dray ich si awl doht ivvah zu Israel. Iahra geil solsht du lohm macha un iahra veyya fabrenna mitt feiyah.”

Richtah 2:18

Vo da Hah als richtah raus kshteld hott fa si, voah eah bei em richtah un hott si aus di hend funn iahra feinda gnumma so lang es da richtah glaybt hott. Da Hah hott si gedavvaht vann eah si keaht hott yammahra, veil iahra feinda si so veesht gyoost henn un si nunnah gedredda henn.

1. Samuel 17:47

Un alli-ebbah do zayld vissa es da Hah nett frei macht bei em shvatt un da shpiah; di fecht is em Hah seini, un eah gebt eich ivvah in unsah hend.”