Psalm 37:30 - Pennsylvania Dutch Bible

³⁰ 'S maul fumm gerechta mann shvetzt veisheit, un sei zung sawkt vass recht is;

Psalm 37:30 ပူးပေါင်းရင်းမြစ်များ

Psalm 71:15

Mei maul zayld shvetza veyyich dei gerechtichkeit, un veyyich dei saylichkeit da gans dawk lang, even vann's may is es ich fashtay kann.

Psalm 71:24

Un mei zung zayld shvetza veyyich dei gerechtichkeit da gans dawk lang, veil selli es miah letz du henn vella, fashtatzt un fashohmd sinn.

Shpricha 10:20

Di zung funn di gerechta is vi fei silvah, avvah di meind funn di gottlohsa is nett feel veaht.

Shpricha 10:21

Di leftz funn di gerechta helfa feel, avvah di unksheida kumma um veil si kenn veisheit henn.

Shpricha 10:31

'S maul funn di gerechta shvetzt mitt veisheit, avvah di zung es evil shvetzt vatt abkshnidda.

Shpricha 15:7

Di leftz funn sellah es veisheit hott, shtroiya goodah roht, avvah's hatz funn di unksheida is nett so.

Shpricha 27:9

Goot-shmakkich ayl un insens macht's hatz froh, un en mann sei roht is sees zu sei freind.

Matthäus 12:35

En goodah mensh bringd goodi sacha aus di keshtlicha sacha es in seim hatz sinn. Un en mensh es evil is, bringd evili sacha aus di shlechta sacha es in seim hatz sinn.

Epheser 4:29

Losset kenn shlechti kshvetzah aus eiyah maul kumma, avvah yusht so sacha es ufbauwa, so es selli vo heahra goodes raus greeya.

Kolosser 4:6

Losset eiyah kshvetz immah foll gnawt sei, un ksalsa mitt sals, so es diah vissa kennet vi zu andvadda zu alli-ebbah.