Psalm 37:18 - Pennsylvania Dutch Bible

¹⁸ Da Hah vayst veyyich di dawwa funn di unshuldicha, un iahra eahbshaft bleibt fa'immah.

Psalm 37:18 ပူးပေါင်းရင်းမြစ်များ

Psalm 1:6

Fa da Hah vatsht ivvah da vayk funn di gerechta, avvah da vayk funn di gottlohsa kumd zu nix.

Psalm 103:17

Avvah funn ayvichkeit zu ayvichkeit, is em Hah sei shtandhaftichi-leevi uf selli es een firchta, un sei gerechtichkeit mitt iahra kinds-kinnah—

Psalm 16:11

Du veisht miah da vayk zumm layva; bei diah sei, macht mei frayt foll, un an dei rechtsi hand sinn blesiahra fa'immah.

Psalm 21:4

Eah hott dich kfrohkt fa layva, un du hosht eem's gevva, en lang layva, fa'immah un immah.

Psalm 31:15

Mei zeit is in dei hend; mach mich frei funn mei feinda, un funn selli es mich fafolka doon.

Psalm 31:7

Ich froi mich un du mei frayt in dei shtandhaftichi-leevi, fa du saynsht mei leides; du bekimmahsht dich veyyich em angsht in mei sayl,

Psalm 37:13

Avvah da Hah lacht ivvah di gottlohsa, veil eah saynd es iahra dawk am kumma is.

Psalm 49:5

Favass sett ich mich feicha an di zeit funn druvvel, vann gottlohsi feinda um mich rumm sinn—

Psalm 73:24

Du fiahsht mich mitt deim roht, un shpaydah nemsht mich oh mitt hallichkeit.

Shpricha 2:21

Fa di ufrichticha zayla im land layva, un di unshuldicha zayla drinn bleiva.

Jesoiya 60:21

No zayla awl dei leit gerecht sei, un si zayla's land aykna fa'immah. Si sinn da blansa es ich geblanst habb, di eahvet funn mei hend, so es ich fagleaht va.

Matthäus 6:32

Di Heida doon sich bekimmahra veyyich awl dee sacha. Avvah eiyah Faddah im Himmel vayst es diah awl dee sacha brauchet.

Römer 5:21

Dess is, so vi di sind groold hott zumm doht, so aw dutt di gnawt roola deich gerechtichkeit zumm ayvicha layva deich Jesus Christus unsah Hah.

Römer 6:23

Fa da lohn funn di sind is da doht, avvah's frei kshenk funn Gott is ayvich layva in unsahm Hah Jesus Christus.

5. Mosi 33:25

Di shlossa rikkel funn dei doahra zayla gmacht sei funn eisa un bronze, awl dei dawwa solsht du shteik sei.

2. Timotheus 2:19

Avvah di shtandhaftich mavvah funn Gott is shuah un fesht. Uf selli mavvah shtayn dee vadda: “Da Hah kend selli vo sei sinn.” Un “Alli-ebbah es da nohma funn Christus bekend, muss vekk drayya funn ungerechtichkeit.”

1. Johannes 2:25

Un dess is vass eah uns fashprocha hott—es ayvich layva.