Psalm 35:26 - Pennsylvania Dutch Bible

²⁶ Loss selli sich shemma un gedaymeedicht vadda, es sich froiya ivvah mei dreebsawl. Loss selli geglayt sei mitt shohm un shand, es sich uf hayva ovvich mich.

Psalm 35:26 ပူးပေါင်းရင်းမြစ်များ

Hiob 19:5

Vann diah eich ovvich mich hayva vellet, un miah mei shanda veisa vellet,

Hiob 8:22

Selli es dich hassa zayla geglayt sei mitt shohm, un di tents funn di gottlohsa zayla nimmi shtay.”

Psalm 109:19

Loss es sei zu eem es vi glaydah es um een rumm gvikkeld sinn, vi en belt es immah um een rumm is.

Psalm 129:5

Loss awl selli es Zion hassa kshohmd sei un zrikk gedrivva sei.

Psalm 132:18

Ich zayl sei feinda glaydah mitt shohm, avvah da krohn uf sei kobb zayld sheina.”

Psalm 35:4

Loss selli sich shemma un fashtatzt vadda, es mei layva nemma vella. Loss selli zrikk gedrayt sei mitt angsht, es evil im sinn henn geyyich mich.

Psalm 38:16

Fa ich habb ksawt, “Loss si nett sich froiya ivvah mich; loss si nett sich hohch uf hayva ivvah mich vann mei foos shlibt.”

Psalm 55:12

Vann en feind kshpass macha dayt funn miah, dann kend ich's shtenda; vann ebbah es mich hast sich uf hayva dayt ovvich mich, dann kend ich mich fashtekla funn eem.

Psalm 71:13

Loss selli es mei sayl pshuldicha sich shemma un umkumma. Loss selli es miah letz du vella zu gedekt sei mitt shpott un shohm.

Jesoiya 41:11

Gukk moll, awl selli es bays sinn mitt diah zayla fashpott un fashohmd sei; selli es geyyich dich sinn, zayla fanixt vadda un umkumma.

Jeremia 20:11

Avvah da Hah is bei miah vi en mechticha mann; selli es mich fafolka, zayla shtolbahra un si greeya's nett gedu. Si greeya's nett ausgricht un vadda fashohmd; iahra shohm vatt nee nett fagessa.

Jeremia 48:26

“Mach een ksoffa fa eah hott sich geyyich da Hah kshteld. Loss een in seim kotz rumm rolla, un loss di leit lacha ivvah een.

Daniel 11:36

Da kaynich zayld grawt du vi eah vill. Eah zayld sich ufblohsa un sich hohch ovvich alli gott setza. Eah zayld heslichi sacha sawwa geyyich da Gott funn alli gettah. Es zayld eem goot gay biss an di zeit es da zann faddich gmacht is. Sell vass ausksetzt is muss blatz nemma.

Micha 7:10

No zayla mei feinda dess sayna, un shohm kumd ivvah see es ksawt hott zu miah, “Vo is da Hah dei Gott?” Mei awwa zayla see sayna diveil es see nunnah gedredda vatt, vi im drekk funn di shtrohsa.

1. Petrus 5:5

In en gleichlichah vayk, diah vo yingah sind, gevvet eich unnich selli vo eldah sinn. Glaydet eich mitt daymoot geyyich nannah, fa “Gott veaht sich geyyich di shtolsa, avvah gebt gnawt zu di daymeedicha.”