Psalm 35:22 - Pennsylvania Dutch Bible

²² Du hosht dess ksenna, oh Hah, sei nett shtill diveyya; bleib nett veit vekk funn miah, oh Hah.

Psalm 35:22 ပူးပေါင်းရင်းမြစ်များ

Psalm 10:1

Favass shtaysht du veit vekk, oh Hah? Favass fashtekkelsht du dich an di zeit funn druvvel?

Psalm 10:14

Avvah du dusht's sayna; du nemsht's acht vann's druvvel un dreebsawl hott, so es du's in dei hand nemma kansht. Sellah es sich nett helfa kann gebt sich ivvah zu diah; du bisht en helfah zu selli unni eldra.

Psalm 22:11

Bleib nett veit vekk funn miah, fa druvvel is nayksht, un's is nimmand fa helfa.

Psalm 22:12

Si sinn um mich rumm vi feel bulla, si henn mich umgringd vi shteiki bulla fumm land Basan.

Psalm 22:19

Avvah du, oh Hah, bleib nett veit vekk funn miah, oh du, mei Graft, kumm kshvind un helf miah.

Psalm 28:1

Vann ich roof zu diah, oh Hah, mei Felsa, dray nett en dawb oah zu miah; fa vann du shtill bleibsht, dann vatt ich vi selli es nunnah in's grawb gayn.

Psalm 38:21

Faloss mich nett, oh Hah, bleib nett veit vekk funn miah, oh mei Gott.

Psalm 39:12

Heich mei gebayt ab, oh Hah, un nemm acht funn meim geroof fa hilf, sei nett dawb vann ich am heila binn. Fa ich binn vi en fremdah bei diah, en fremdah, so vi awl mei foah-feddah voahra.

Psalm 50:21

Du hosht dee sacha gedu un ich habb nix ksawt; du hosht gmaynd ich binn grawt vi du. Avvah nau setz ich dich recht, un layk's aus grawt fannich dei awwa.

Psalm 71:12

Oh Gott, bleib nett veit vekk funn miah; dummel dich, oh mei Gott, un helf miah.

Psalm 83:1

Oh Gott, hald nett oh ruich sei; bleib nett shtill un ruich, oh Gott.

2. Mosi 3:7

No hott da Hah ksawt, “Ich habb veiklich dess aylend ksenna mitt mei leit in Egypta. Ich habb si keaht am naus roofa veyyich di shreklicha leit es ivvah si sinn, un ich sayn iahra leides.

Jesoiya 65:6

Gukket moll, es shtayt kshrivva fannich miah: Ich zayl nett shtill sei, avvah ich betzawl si zrikk. Yah, ich gebb eena en shohs foll betzawling—

Di Apostelgeschichte 7:34

Ich habb ksenna vi mei leit leida missa in Egypta, un ich habb si keaht yammahra. Ich binn kumma fa si raus fiahra. Nau kumm, ich zayl dich noch Egypta shikka.’