Psalm 35:17 - Pennsylvania Dutch Bible

¹⁷ Oh Hah, vi lang zaylsht du zu sayna? Setz mei sayl frei funn iahra fadauves; un setz mei layva frei funn dee vilda layb.

Psalm 35:17 ပူးပေါင်းရင်းမြစ်များ

Psalm 10:14

Avvah du dusht's sayna; du nemsht's acht vann's druvvel un dreebsawl hott, so es du's in dei hand nemma kansht. Sellah es sich nett helfa kann gebt sich ivvah zu diah; du bisht en helfah zu selli unni eldra.

Psalm 57:4

Ich lei mitt mei sayl unnich vildi layb, selli es mensha-kinnah fressa. Iahra zay sinn shpiahs un arrows, un iahra zunga shaufi shvadda.

Psalm 6:3

Mei sayl is oahrich bedreebt, vi lang, oh Hah, vi lang zayld's sei?

Psalm 89:46

Vi lang, oh Hah? Zaylsht du dich fashtekla fa'immah? Vi lang zayld dei zann brenna vi feiyah?

Habakuk 1:13

Dei awwa sinn zu rein es du evil nett ohgukka kansht, un du kansht's nett shtenda fa leit sayna letz du. Favass alawbsht du dee shlichticha leit gay? Favass bisht du shtill vann di gottlohsa selli ufshlukka es may gerecht sinn es si?