Psalm 35:10 - Pennsylvania Dutch Bible

¹⁰ Awl mei gnocha zayla sawwa, “Oh Hah, veah is vi du?” Du machsht di shvacha frei, funn selli es zu shteik sinn fa si, un di oahma un aylendichi frei, funn selli es si rawva.

Psalm 35:10 ပူးပေါင်းရင်းမြစ်များ

2. Samuel 22:18

Eah hott mich frei gmacht funn mei shteiki feinda, funn selli es mich kast henn un zu shteik voahra fa mich.

Psalm 10:14

Avvah du dusht's sayna; du nemsht's acht vann's druvvel un dreebsawl hott, so es du's in dei hand nemma kansht. Sellah es sich nett helfa kann gebt sich ivvah zu diah; du bisht en helfah zu selli unni eldra.

Psalm 102:3

Mei dawwa sinn am fagay vi shmohk, un mei gnocha am fabrenna vi im feiyah.

Psalm 103:6

Da Hah shaft gerechtichkeit, un macht alles recht fa selli es nunnah gedredda sinn.

Psalm 109:31

Fa eah shtayt uf di rechts hand funn sellah es noht hott, un macht een frei funn selli es een fadamma.

Psalm 140:12

Ich vays es da Hah di sacha funn di oahma recht ausshaffa zayld, un eah gebt selli es noht henn iahra recht.

Psalm 140:13

Di gerechta zayla geviss dei nohma preisa, un di ufrichticha zayla bei diah voona.

Psalm 146:7

deah es recht dutt zu selli es nunnah gedredda sinn, un gebt ess-sach zu di hungahricha. Da Hah macht di kfangana frei.

Psalm 18:17

Eah hott mich frei ksetzt funn mei shteiki feinda un selli es mich kast henn, veil si zu shteik voahra fa mich.

Psalm 22:14

Ich binn raus gleaht vi vassah; awl mei gnocha sinn funn-nannah gezowwa, mei hatz is vi fashmolsanah wax in miah.

Psalm 22:24

Eah hott sellah nett fa'acht un nunnah gedrayt, es am leida un deich macha is. Eah hott sei ksicht nett fashtekkeld funn eem, avvah eah hott's keaht vo eah groofa hott zu eem.

Psalm 32:3

Vo ich shtill voah veyyich mei sinda, sinn mei gnocha shiah ausgvoahra deich mei geyammah da gans dawk lang.

Psalm 34:20

da Hah gebt acht uf awl sei gnocha; nett ayns funna zayld fabrocha gay.

Psalm 34:6

Deah oahm mann hott groofa, un da Hah hott een keaht, un hott een frei gmacht funn awl sei druvvel.

Psalm 37:14

Di gottlohsa zeeya's shvatt raus, un zeeya da bow zrikk, fa di oahma un aylendichi nunnah bringa, un selli shlachta es ufrichtich lawfa.

Psalm 38:3

Es is nix ksundes in meim leib deich dei zann, un's is kenn fridda in mei gnocha deich mei sinda.

Psalm 51:10

Shaff in miah en rein hatz, oh Gott, un mach en neiyah un en gerechtah geisht in miah.

Psalm 51:8

Loss mich frayt un freyyaheit heahra, loss di gnocha es du fabrocha hosht sich froiya.

Psalm 69:33

Da Hah heaht selli es noht henn, un fa'acht nett selli es kfanga sinn.

Psalm 71:19

Dei gerechtichkeit, oh Gott, langd nuff in da himmel, du es grohsi sacha gedu hosht, oh Gott. Veah is vi du?

Psalm 86:8

Unnich di gettah hott's nimmand vi dich, oh Hah, un's hott kenn verka vi deini.

2. Mosi 15:11

Veah unnich di gettah is vi du, oh Hah? Veah is vi du, in mechtichi heilichkeit, in vundahboahri lohb un in vunnahrichi kshefta?

Jesoiya 40:18

Mitt vemm, dann, fagleichsht du Gott? Mitt vass fa en ab-bild fagleichsht du een?

Jesoiya 40:25

“Mitt vemm doond diah mich fagleicha, es ich sei sett vi eah?” sawkt da Heilich Gott.

Jeremia 10:7

Veah soll dich nett firchta, oh Kaynich funn di heida? Du bisht's veaht. Unnich awl di heida iahra mennah mitt veisheit, un unnich awl iahra kaynich-reicha, hott's nimmand vi dich.

Jeremia 20:13

Singet zumm Hah, un lohvet een! Eah setzt di sayl funn selli in noht frei, frei funn di ungettlicha iahra hend.