Psalm 34:21 - Pennsylvania Dutch Bible

²¹ Evil bringd da doht zu di gottlohsa, un selli es di gerechta hassa zayla fadamd sei.

Psalm 34:21 ပူးပေါင်းရင်းမြစ်များ

1. Kaynicha 22:37

So is da kaynich kshtauva un voah zrikk an Samaria gebrocht. Datt voah eah no fagrawva.

1. Kaynicha 22:8

Da kaynich funn Israel hott ksawt zumm Josaphat, “Es is alsnoch ay mann, da Micha, em Imla sei boo. Miah kenna da Hah frohwa deich een. Avvah ich hass een, veil eah nee nix goodes broffetzeit veyyich miah, avvah immah shlechtes.” Avvah da Josaphat hott ksawt, “Da kaynich sett sell nett sawwa.”

Psalm 20:8

Si sinn niddah gebrocht vadda un sinn kfalla, avvah miah sinn ufkshtanna un shtayn grawt.

Psalm 40:15

Loss selli fashtaund sei veyyich iahra ayknah shohm, es sawwa zu miah, “Aha, aha!”

Psalm 89:23

Ich famawl selli fannich eem es geyyich een shaffa, un shlakk selli nunnah es een hassa.

Psalm 94:23

Eah betzawld si zrikk fa iahra ungerechtichkeit, eah bringd si um fa iahra sinda, da Hah, unsah Gott bringd si zu nix.

2. Mosi 12:46

Es muss gessa sei in aym haus; diah sellet kens fumm flaysh aus em haus bringa, un diah sellet kens funn di gnocha fabrecha.

2. Mosi 20:7

Du solsht da nohma fumm Hah dei Gott nett letz yoosa, fa da Hah lost sellah es sei nohma letz yoost nett unkshtrohft gay.

Shpricha 24:16

fa en gerechtah mann fald sivva mohl anna un shtayt viddah uf, avvah di gottlohsa vadda nunnah gebrocht deich druvvel.

Jesoiya 3:11

Avvah vay zu di gottlohsa, es zayld nett goot gay mitt eena. Si vadda zrikk betzawld fa vass si fadeend henn.

Lukas 19:14

Avvah sei leit vo unnich eem voahra henn een nett geglicha, un si henn dess vatt nohch kshikt, ‘Miah vella nett havva es deah mann kaynich ivvah uns is.’

Lukas 19:27

Un veyyich dee vo mich nett gleicha, un vella nett havva es ich ivvah si binn; bringet si do heah un machet si doht do fannich miah.’”

Johannes 7:7

Di veld kann eich nett hassa, avvah di veld hast mich veil ich zeiknis gebb es vass see dutt is evil.

2. Thessalonicher 1:6

So, Gott saynd's es en gerecht ding fa selli leida macha vo eich leida macha.

2. Thessalonicher 1:9

Si zayla kshtrohft vadda mitt ayvich fadeahves, un vekk kalda vadda funn Gott sei ksicht un sei hallichi macht,

1. Samuel 31:4

No hott da Saul ksawt zu sei greeks-ksha-drawwah, “Zeek dei shvatt raus un shtech mich deich, so es dee unbeshniddana nett kumma un mich deich shtecha un shpott macha funn miah.” Avvah sei greeks-ksha-drawwah hott sich kfeicht un hott's nett gedu. So hott da Saul sei shvatt gnumma un hott sich druff falla glost.