Psalm 34:12 - Pennsylvania Dutch Bible

¹² Veah is es es layva vill mitt frayt, un es feel goodi dawwa sayna vill?

Psalm 34:12 ပူးပေါင်းရင်းမြစ်များ

1. Mosi 49:2

Geddahret zammah, diah kinnah fumm Jakob, un heichet eiyah faddah Israel ab.

Hiob 33:33

Avvah vann nett, dann heich mich ab, sei shtill, un ich lann diah veisheit.”

Hiob 7:7

Fagess nett, oh Gott, es mei layva is vi en ohften, mei awwa zayla nee nimmi goodes sayna.

Psalm 21:4

Eah hott dich kfrohkt fa layva, un du hosht eem's gevva, en lang layva, fa'immah un immah.

Psalm 4:6

Feel leit sawwa, “Veah kann uns goodi sacha sayna lossa?” Loss di helling funn dei ksicht uf uns falla, oh Hah.

Psalm 91:16

Ich zayl een zufridda macha mitt en lang layva, un zayl eem mei saylichkeit veisa”.

Shpricha 4:20

Mei kind, gebb acht zu vass es ich sawk, heich goot ab zu mei vadda.

Shpricha 7:24

Nau dann, mei kinnah, heichet mich ab, nemmet acht funn vass ich sawk.

Shpricha 9:10

Di furcht fumm Hah, is da ohfang funn veisheit, un fa Sellah Heilich lanna kenna, is fashtand.

Breddichah 12:13

Es end funn awl demm is nau keaht vadda. Un do is vass miah uf kumma mitt: Firchtet Gott un haldet sei gebodda; dess is vass alli mann shuldich is fa du.

Breddichah 2:3

Ich habb broviaht mich fraylich macha mitt vei un en goodi zeit havva, diveil es mei meind am veisheit sucha voah. Ich habb vella sayna vass goodes es mensha doon mitt di poah yoah es si unnich em himmel layva.

Breddichah 3:13

un es alli-ebbah essa un drinka kann un frayt finna kann in sei eahvet—dess is en kshenk funn Gott.

5. Mosi 30:20

Lohvet da Hah eiyah Gott, heichet sei shtimm ab un henket oh zu eem. Da Hah gebt eich layva, un eah lost eich lang layva im land es eah kshvoahra hott fa gevva zu eiyah foah-feddah, da Abraham, da Isaac un da Jakob.

5. Mosi 6:2

un so es diah, eiyah kinnah, un iahra kinnah da Hah eiyah Gott firchtet so lang es diah layvet, bei awl sei gebodda un adninga halda es ich eich gebb, un so es diah en lang layva havva kennet.

1. Samuel 12:23

Un veyyich miah selvaht, es soll selayva nett sei es ich sindich geyyich da Hah bei ufheahra bayda fa eich. Ich zayl ohhalda eich lanna vass da goot un recht vayk is.