Psalm 33:7 - Pennsylvania Dutch Bible

⁷ Eah sammeld di vassahra fumm say zammah vi in en boddel; eah shtoaht's vassah fumm say in shtoah-heisah.

Psalm 33:7 ပူးပေါင်းရင်းမြစ်များ

Hiob 26:10

Eah hott da ring fumm himmel auskshtrekt ivvah da deef say, fa di helling un's dunkla funn-nannah halda.

Psalm 78:13

Eah hott da say fadayld un hott si deich gay glost; eah hott's vassah ufshtay gmacht vi en vand.

2. Mosi 15:8

Mitt em blohs funn deim ohften, hosht di vassahra zrikk kshohva. Un's shteik vassah hott sich ufkshteld in en haufa. Di deefi vassahra sinn hatt vadda in di mitt fumm say.

Shpricha 8:29

Ich voah datt vo eah gebodda gevva hott zumm say, so es di vassahra nett veidah gayn es eah ksawt hott. Ich voah datt vo eah di foundations funn di eaht ausglaykt hott.

Jeremia 5:22

Seddet diah eich nett feicha veyyich miah?” sawkt da Hah. “Seddet diah nett ziddahra fannich miah? Ich habb da sand gmacht fa en lein am say nohch macha, en ayvichi lein es da say nett drivvah gay kann. Di vella kenna rolla, avvah's dutt si kenn goot, si kenna roahra, avvah si kenna nett drivvah gay.

Habakuk 3:15

Du hosht da say uf kshtatt mitt dei geil, un hosht grohsi vella gmacht im vassah.

Joshua 3:13

un vann di preeshtah es am di lawt fumm Hah drawwa sinn—sell is da Hah funn di gans veld—vann di preeshtah moll di sohla funn iahra fees in's vassah fumm Jordan doon, dann vatt's vassah fumm Jordan abkshnidda. 'S vassah es am da revvah runnah lawfa is zayld sich uf shtella in en haufa.”

Joshua 3:16

hott's vassah ovva droh ufkeaht lawfa. 'S vassah hott kshtobt lawfa un is ufkeifeld vadda biss vay nuff an en shtatt es Adam hayst nayksht an Zarthan. Un's vassah unna droh es in da Say funn Arabah, da Sals Say, lawft, voah gans abkshnidda. So sinn di leit nivvah uf di annah seit ganga nayksht an Jericho.