Psalm 31:8 - Pennsylvania Dutch Bible

⁸ un gebsht mich nett ivvah in di hend funn mei feinda, avvah du setsht mei fees in en grohsah uffenah blatz.

Psalm 31:8 ပူးပေါင်းရင်းမြစ်များ

Hiob 16:11

Gott hott mich ivvah-gedrayt zu ungerechti mennah, un hott mich in di hend funn di gottlohsa kumma glost.

Hiob 36:16

Eah lokt dich aus em maul funn dreebsawl, zu en grohsah blatz vo nimmand dich zrikk haybt, un vo dei dish grisht is mitt goot ess-sach.

Psalm 10:14

Avvah du dusht's sayna; du nemsht's acht vann's druvvel un dreebsawl hott, so es du's in dei hand nemma kansht. Sellah es sich nett helfa kann gebt sich ivvah zu diah; du bisht en helfah zu selli unni eldra.

Psalm 18:19

Eah hott mich raus kfiaht in en sayfah blatz, un hott mich frei ksetzt, veil ich eem kfellich voah.

Psalm 4:1

Gebb andvat zu miah vann ich roof, oh Gott funn mei gerechtichkeit. Du hosht miah drohsht gevva in meim angsht. Sei gnaydich zu miah un heich mich ab in meim gebayt.

Psalm 88:8

Du hosht awl mei freind gmacht mich falossa; du hosht mich grausam gmacht zu eena; ich binn kfanga un kann nett vekk.

2. Mosi 2:25

Gott hott di Kinnah-Israel ksenna un hott sich bekimmaht veyyich eena.

Jesoiya 19:4

Ich gebb di Egyptah ivvah zu en veeshtah roolah; en shreklichah kaynich zayld ivvah si roola.” Dess sawkt da Hah, da Awlmechtich Hah.

5. Mosi 26:7

No henn miah naus groofa zumm Hah, da Gott funn unsah feddah, un da Hah hott unsah shtimm keaht un hott unsah aylend, unsah haddi eahvet un unsah noht ksenna.

5. Mosi 32:30

Vee kend's sei es aynah en dausend funn eena yawwa kend, un zvay, zeyya dausend funn eena shpringa macha, vann nett iahra Felsa si fakawft hett, un da Hah si ufgevva hett?

1. Samuel 17:46

Heit zayld da Hah dich ivvah-drayya in mei hend, un ich zayl dich nunnah shlauwa un dei kobb abhakka. Un ich zayl heit di dohda Philishtah greeks-gnechta gevva zu di fekkel in di luft un zu di diahra im feld. No zayld di gans eaht vissa es es en Gott in Israel hott.

1. Samuel 24:18

Du hosht yusht nau miah ksawt fumm goodes es du gedu hosht zu miah, un es da Hah mich in dei hend gedu hott, un doch hosht du mich nett doht gmacht.

1. Samuel 26:8

Da Abisai hott no ksawt zumm Dawfit, “Heit hott Gott dei feind in dei hand gedu. Nau loss mich een uf da bodda shtekka mitt ay shtech fumm shpiah; ich brauch nett's zvett mohl shtecha.”