Psalm 31:22 - Pennsylvania Dutch Bible

²² In meim angsht habb ich ksawt, “Ich binn veit vekk kshtohsa funn dei awwa.” Avvah du hosht mich keaht frohwa fa bamhatzichkeit, vo ich groofa habb zu diah.

Psalm 31:22 ပူးပေါင်းရင်းမြစ်များ

Hiob 35:14

Vee feel vennichah, dann, dutt eah dich abheicha vann du sawksht du saynsht een nett, es du bisht am voahra fa sei gericht, un musht voahra uf een?

Psalm 116:11

Un in meim angsht habb ich ksawt, “Awl mensha sinn leeyah.”

Psalm 17:7

Veis dei shtandhaftichi grohsi leevi, du Heiland vo selli saylich machsht mitt dei rechtsi hand es zu diah shpringa, vekk funn iahra feinda.

Psalm 31:17

Loss mich nett in da shohm gebrocht sei, oh Hah, fa ich roof zu diah. Loss di gottlohsa sich shemma, loss si shtill im grawb leiya.

Psalm 6:9

Da Hah hott mich keaht naus roofa fa bamhatzichkeit, da Hah nemd mei gebayt oh.

Psalm 66:20

Glohbt sei Gott, eah hott mei gebayt nett nunnah gedrayt, un hott aw sei grohsi leevi nett funn miah kalda.

Psalm 88:16

Dei gleedichah zann is ivvah mich kumma; da shreklich angsht funn diah drikt mich nunnah.

Jesoiya 49:14

Avvah Zion hott ksawt, “Da Hah hott mich falossa, da Hah hott mich fagessa.”

Jesoiya 6:5

No habb ich ksawt, “Vay zu miah, ich binn faloahra! Fa ich binn en mann mitt unreini leftz, un ich voon unnich en leit mitt unreini leftz; avvah doch henn mei awwa da Kaynich, da Awlmechtich Hah, ksenna.”

Ezekiel 37:11

No hott eah ksawt zu miah, “Mensha-kind, dee gnocha sinn's gans haus funn Israel. Si sawwa zu nannah, ‘Unsah gnocha sinn ufgedrikkeld un miah henn kenn hofning; miah sinn gans abkshnidda.’

Jona 2:4

Ich habb gmaynd ich binn funn dei awwa vekk kshtohsa, avvah ich zayl viddah geyyich dei heilichah tempel gukka.

Lukas 11:10

Fa alli-ebbah es frohkt, zayld greeya, un deah vo sucht, zayld finna, un deah vo ohglobt, zayld's uf gmacht greeya.

Hebräer 5:7

In di dawwa funn seim layva, hott Jesus gebayda un ohkalda mitt en laudi shtimm un mitt awwa-vassah zu demm vo een halda hott kenna fumm doht. Un eah voah keaht gvest veil eah Gott di eah gevva hott.

1. Samuel 23:26

Da Saul voah am gay uf ay seit fumm berg, un da Dawfit un sei mennah voahra uf di annah seit am sich dumla fa vekk fumm Saul. Da Saul un sei mennah voahra am da Dawfit un sei mennah umringa fa si fesht nemma.

1. Samuel 25:32

No hott da Dawfit ksawt zu di Abigail, “Ksaykend sei da Hah, da Gott funn Israel, es dich heit kshikt hott fa mich ohdreffa.

1. Samuel 27:1

Da Dawfit hott zu sich selvaht gedenkt, “Ayns funn dee dawwa zayl ich doht gmacht sei beim Saul. 'S besht ding es ich du kann fa vekk kumma funn eem is fa in's land funn di Philishtah gay. No heaht da Saul uf sucha fa mich in gans Israel, un ich shlibb aus sei hand.”