Psalm 29:11 - Pennsylvania Dutch Bible

¹¹ Da Hah gebt grefta zu sei leit; da Hah saykend sei leit mitt fridda.

Psalm 29:11 ပူးပေါင်းရင်းမြစ်များ

Psalm 138:3

Vo ich dich ohgroofa habb, hosht du andvat gevva; mitt dei graft hosht du mei sayl fagrefticht.

Psalm 37:11

Di daymeedicha zayla's land eahva, un zayla sich froiya mitt en grohsah fridda.

Psalm 68:35

Unbegreiflich is Gott in seim heilicha tempel; da Gott funn Israel gebt macht un graft zu sei leit. Glohbt sei Gott!

Psalm 72:3

Loss di berga fridda bringa zu di leit, un di hivla gerechtichkeit.

Psalm 72:7

In sei dawwa loss di gerechta bleeya, un grohsah fridda sei biss da moon nimmi is.

Psalm 84:7

Si gayn funn graft zu may graft, biss alli-ebbah fannich Gott kumd in Zion.

Psalm 85:10

Leevi un voahheit kumma zammah; gerechtichkeit un fridda kissa nannah.

Psalm 85:8

Ich zayl heicha vass Gott da Hah sawwa zayld; eah fashprecht fridda zu sei leit, sei saylichi, avvah si sella nett viddah zrikk gay zu iahra dumhayda.

Jesoiya 26:12

Du shafsht fridda fa uns, Hah, alles es miah ausgricht henn hosht du gedu fa uns.

Jesoiya 40:29

Eah gebt macht zu selli es matt sinn, un gebt graft zu di shvacha.

Jesoiya 40:31

Avvah selli es voahra uf da Hah, zayla frishi graft greeya. Si zayla fleeya mitt flikkel vi di awdlah; si zayla shpringa un nett meet vadda, si zayla lawfa un nett shvach vadda.

Jesoiya 41:10

Feich dich nett; ich binn bei diah. Sei nett engshtlich; ich binn dei Gott. Ich mach dich shteik un helf diah; ich hayb dich uf mitt di rechts hand funn mei gerechtichkeit.

Sacharia 10:12

Im Hah mach ich si shteik, un in seim nohma zayla si lawfa.” So sawkt da Hah.

Sacharia 10:6

“Ich mach selli fumm Juda sei nohch-kummashaft shteik, un mach em Joseph sei nohch-kummashaft frei. Ich zayl si viddah zrikk bringa veil ich bamhatzich binn zu eena. Si zayla sei vi si voahra, grawt es vann ich si nett nunnah gedrayt hett, veil ich da Hah iahra Gott binn zayl ich si abheicha.

Johannes 14:27

Ich loss fridda bei eich; mei fridda gevvich zu eich; ich gebb eich da fridda nett vi di veld gebt. Losset eiyah hatza nett gedruvveld sei un feichet eich aw nett.

Johannes 16:33

Ich habb eich dee sacha ksawt so es diah fridda havva sellet deich mich. In di veld zaylet diah dreebsawl havva, avvah froiyet eich, ich binn di veld ivvah-kumma.”

Römer 14:17

Fa's Reich-Gottes is nett essa un drinka, avvah gerechtichkeit, fridda un frayt im Heilicha Geisht.

1. Korinther 1:3

Miah bidda eich gnawt un fridda funn Gott unsah Faddah un fumm Hah Jesus Christus.

Epheser 2:17

Eah is kumma un hott fridda gebreddicht zu eich vo veit ab voahra funn Gott un aw selli vo nayksht voahra;

Epheser 3:16

so es eah eich graft gebt aus di reichheit funn sei hallichkeit fa shteik vadda im innahlicha mann deich sei Geisht,

2. Thessalonicher 3:16

Nau vinsha miah es da Hah funn fridda selvaht, eich immah fridda gebt in alli vayya. Da Hah sei bei eich awl.

2. Timotheus 4:17

Avvah da Hah hott bei miah kshtanna, un hott miah graft gevva, so es deich mich, voah's Vatt folshtendich gebreddicht, un awl di Heida henn's heahra kenna. Eah hott mich aus em layb sei maul kalda.

Di Offenbarung 1:4

Johannes, zu di sivva gmayna in Asia: Gnawt sei zu eich un fridda, funn demm vo is, vo voah un vo noch kumd, un funn di sivva Geishta es fannich sei kaynich-shtool sinn,