Psalm 28:4 - Pennsylvania Dutch Bible

⁴ Betzawl si zrikk fa vass si doon, un fa iahra evili verka; betzawl si zrikk fa vass iahra hend gedu henn, un gebb eena vass si fadeend henn.

Psalm 28:4 ပူးပေါင်းရင်းမြစ်များ

2. Samuel 3:39

Avvah heit, even vann ich ksalbt binn fa kaynich sei, doch binn ich shvach im hatz. Dee boova funn di Zeruia sinn zu hatt-hatzich fa mich. Loss da Hah selli evil-shaffah zrikk betzawla fa's evil es si gedu henn.”

Ezra 9:13

Alles es ivvah uns kumma is voah deich unsah evili verka un unsah grohsi shuld, un doch, du oh Gott, hosht uns vennichah kshtrohft es miah fadeend henn, un hosht uns dee ivvahricha leit zrikk gevva es kfanga voahra.

Psalm 103:10

Eah shtrohft uns nett noch di shuld funn unsah sinda, un betzawld uns nett zrikk in di gleichnis es miah letz doon.

Psalm 21:10

Du zaylsht iahra nohch-kummashaft vekk butza funn di eaht, un iahra kinnah funn mensha.

Psalm 5:10

Hayb si shuldich, oh Gott! Bei iahra ayyanah roht loss si falla. Shtohs si naus fa iahra feel sinda, fa si henn sich ufkshteld geyyich dich.

Psalm 62:12

Un zu diah, oh Hah, heaht grohsi leevi, fa du bezawlsht yaydah ebbah fa vass eah fadeend hott.

Glawk-Leedah 3:64

Betzawl si zrikk vass si fadeend henn, oh Hah, fa sell vass iahra hend gedu henn.

Ezekiel 38:10

Dess is vass da Awlmechtich Hah sawkt: An selli zeit kumma gedanka in dei meind, un du fangsht oh en veeshti shkeem ausshaffa.

Römer 11:22

Diah kennet sayna es Gott bamhatzich is, avvah eah is aw shtreng. Eah is shtreng geyyich selli es kfalla sinn, avvah bamhatzich zu eich, sell is, vann diah ohhaldet in sei bamhatzichkeit. Avvah vann nett, dann vaddet diah aw abkshnidda.

2. Timotheus 4:14

Da Alexander, da kubbah-shmitt, hott miah feel letzes gedu. Da Hah betzawld een fa di sacha es eah gedu hott.

Di Offenbarung 18:6

Gevvet zrikk zu iahra vi see gevva hott; betzawlet see zvay mohl zrikk fa vass see gedu hott. Fillet zvay mohl's kobli es see kfild hott.

Di Offenbarung 22:12

Gukk moll, ich kumm kshvind. Un ich bring mei lohn mitt miah. Ich betzawl alli-ebbah fa vass eah gedu hott.