Psalm 25:7 - Pennsylvania Dutch Bible

⁷ Denk nett an di sinda funn mei yungi dawwa, un aw nett vi ich geyyich dich kshaft habb. Denk an mich deich dei bamhatzichkeit, oh Hah, veil du goot bisht.

Psalm 25:7 ပူးပေါင်းရင်းမြစ်များ

Hiob 13:26

Fa du shreibsht biddah sach nunnah geyyich mich, un machsht mich mei sinda funn yungem uf eahva.

Hiob 20:11

Sei gnocha sinn noch yung un foll graft, avvah glei zayld sei graft mitt eem im shtawb leiya.

Psalm 106:3

Ksaykend sinn selli es sei gebott halda, un immah doon vass recht is.

Psalm 106:4

Denk an mich, oh Hah, vann du gnaydich bisht zu dei leit, helf miah vann du si frei machsht,

Psalm 109:14

Loss es evila funn sei foah-feddah nett fagessa sei bei em Hah, un di sind funn sei muddah nee nett ausgrivva sei.

Psalm 109:16

Eah hott nee nett droh gedenkt fa bamhatzich sei, avvah eah hott di aylendicha, di oahma un bedreebda fafolkt zumm doht.

Psalm 109:26

Helf miah, oh Hah mei Gott, deich dei shtandhaftichi-leevi mach mich frei.

Psalm 119:124

Shaff mitt deim gnecht noch dei shtandhaftichi-leevi, un lann dei gebodda zu miah.

Psalm 31:16

Loss di helling funn dei ksicht uf dei gnecht sheina; deich dei shtandhaftichi-leevi, helf miah

Psalm 51:1

Sei gnaydich zu miah, oh Gott, noch dei shtandhaftichi-leevi; reib mei sinda aus noch dei grohsi bamhatzichkeit.

Psalm 6:4

Kumm zrikk, oh Hah, un mach mei sayl frei, mach mich saylich veil du mich leebsht.

Psalm 79:8

Hayb di sinda funn unsah foah-feddah nett geyyich uns; loss dei bamhatzichkeit kshvind uf uns kumma, fa miah henn en grohsi noht.

Jesoiya 38:17

Es voah geviss fa mei goot, es es miah so bang voah. Du hosht mei sayl hatzlich ohgnumma, so es see nett fadauva gayt. Du hosht awl mei sinda hinnich dei bukkel gedu.

Jesoiya 43:25

Ich, yau ich, binn sellah es eiyah ivvah-dreddes sauvah butza dutt fa mich selvaht; un ich denk nimmi an dei sinda.

Jesoiya 48:11

Fa mei eah, ich du dess fa mei aykni eah. Vi kend ich mei nohma faleshtaht vadda lossa? Ich gebb mei hallichkeit zu nimmand shunsht.

Jesoiya 64:9

Sei nett zu bays mitt uns, oh Hah, un denk nett an unsah sinda fa'immah. Gukk runnah uf uns awl fa miah sinn dei leit.

Jeremia 3:25

Miah sedda uns anna layya in unsah shohm, un dess shandlich ding uns zu dekka lossa. Miah henn ksindicht geyyich da Hah unsah Gott, miah un unsah foah-feddah, funn yungem uf biss heit; miah henn em Hah unsah Gott nett keicht.”

Jeremia 31:34

En mann zayld nimmi sei nochbah adda sei broodah lanna, un sawwa, ‘Lann da Hah kenna,’ fa si zayla mich awl kenna, fumm glenshta zumm grayshta,” sawkt da Hah, “veil ich iahra ungettlichkeit fagebb un nee nimmi an iahra sinda denk.”

Johannes 5:14

Shpaydah hott Jesus een kfunna im tempel un hott ksawt zu eem, “Gukk, du bisht ksund vadda. Gay un du nimmi sinda, so es nett ebbes shlimmahs ivvah dich kumd.”

Johannes 5:5

Ay mann voah datt es shund acht un dreisich yoah grank voah.

Hebräer 8:12

Ich vill bamhatzich sei zu iahra ungerechtichkeit, un iahra sinda un faylah vill ich nimmi meinda.”