Psalm 25:12 - Pennsylvania Dutch Bible

¹² Veah is da mann es di furcht Gottes hott? Eah veist sellem mann da vayk es eah gay soll.

Psalm 25:12 ပူးပေါင်းရင်းမြစ်များ

1. Mosi 26:2

Un da Hah is zu eem kumma un hott ksawt, “Gay nett nunnah in's land Egypta; bleib im land es ich diah sawk.

Psalm 111:10

Di furcht fumm Hah is da ohfang funn veisheit, goodi eisicht henn selli es sei gebodda doon. Lohb sei zu eem fa'immah!

Psalm 32:8

Ich lann dich un veis diah da vayk es du gay solsht; ich gebb diah roht, un vatsh ivvah dich.

Psalm 37:23

En goodah mann sei shritt sinn grawt kalda beim Hah, un sei vayk is eem kfellich.

2. Mosi 4:15

Du solsht shvetza zu eem, un di vadda in sei maul du. Ich zayl mitt deim maul sei, un mitt seim maul, un zayl eich lanna vass diah du sellet.

Shpricha 1:7

Di furcht fumm Hah is da ohfang funn eisicht; avvah dummi leit gukka nunnah uf veisheit un gleicha nett recht ksetzt sei.

Shpricha 15:33

Di furcht fumm Hah land en mann veisheit havva, un daymoot kumd eb grohsi eah.

Shpricha 16:6

Deich shtandhaftichi-leevi un voahheit vadda sinda fagevva, un deich di furcht fumm Hah hald en mann sich vekk funn evil.

Shpricha 2:5

no zaylsht du di furcht fumm Hah fashtay, un zaylsht di vissaheit funn Gott finna.

Shpricha 2:9

No zaylsht du gerechtichkeit fashtay, un aw sell vass recht is, du zaylsht vissa vass feah un recht is in alli vayk.

Breddichah 12:13

Es end funn awl demm is nau keaht vadda. Un do is vass miah uf kumma mitt: Firchtet Gott un haldet sei gebodda; dess is vass alli mann shuldich is fa du.

Jesoiya 35:8

Es zayld en grohsah vayk datt sei, un eah zayld da Heilich Vayk kaysa sei. Nimmand unreines dauf datt druff gay, da vayk is yusht fa sei leit; selli unni veisheit lawfa nett druff.

Jesoiya 50:10

Veah is unnich eich es da Hah fircht, un heicht di shtimm funn seim gnecht? Veah lawft im dunkla un hott kenn licht? Loss een sei fadrauwa in da Hah du, un sich falossa uf sei Gott.

Johannes 7:17

Vann ennich ebbah Gott sei villa du vill, dann find eah aus eb's funn Gott is vass ich eich lann, adda eb's is funn miah selvaht.

Di Apostelgeschichte 10:2

Eah voah geishtlich psunna un Gott-firchtich, un aw awl sei haus-haldung. Eah hott feel oahmi leit kolfa un hott immah gebayda zu Gott.

Di Apostelgeschichte 10:22

Di mennah henn ksawt, “Da Kornelius da hauptmann, is en gerechtah mann un eah hott di furcht Gottes in sich. Awl di Yudda leit doon feel denka funn eem. Gott hott eem ksawt deich en heilichah engel fa dich hohla zu sei haus, un heahra vass du hosht zu sawwa.”

Di Apostelgeschichte 11:14

Deich di vadda es eah diah sawwa zayld kansht du, un dei gans haus, saylich vadda.’

Di Apostelgeschichte 13:26

Diah mennah un breedah funn di nohch-kummashaft fumm Abraham, un awl funn eich vo Gottes-furcht in eich hend, zu eich is dess Vatt funn saylichkeit kshikt.

Joshua 3:4

Sellah vayk visset diah vellah vayk zu gay veil diah deah vayk nee nett ganga sind difoah. Avvah haldet en blatz funn baut en dausend yoaht zvishich eich un di lawt. Doond nett nayksht gay.”

1. Johannes 2:27

Un di salbung es diah grikt hend funn eem bleibt in eich, un diah brauchet nimmand havva fa eich lanna. Avvah vi sei salbung eich gland hott veyyich alli sacha, so is si voah un leekt nett; un vi sei salbung eich gland hott, so bleivet in eem.

1. Samuel 9:6

Avvah da gnecht hott ksawt, “Voaht moll, in dee shtatt is en mann funn Gott; eah is hohch ohksenna un alles es eah sawkt kumd voah. Vella zu eem gay, fleicht sawkt eah uns vellah vayk zu gay.”