Psalm 18:14 - Pennsylvania Dutch Bible

¹⁴ Eah hott arrows kshossa un hott sei feinda ausnannah kshtroit, mitt grohsi gviddah-shtrawla hott eah si raus gyawkt.

Psalm 18:14 ပူးပေါင်းရင်းမြစ်များ

Hiob 37:4

Noch sellem kumd di yacht funn sei shtimm, eah dimmeld mitt en mechtichi shtimm. Vann sei shtimm keaht is, dann haybt eah nix zrikk.

Hiob 37:5

Gott sei shtimm dimmeld in vundahboahri vayya, eah dutt grohsi sacha es miah nett fashtay kenna.

Hiob 38:35

Kansht du di gviddah shtraycha naus shikka so es si gayn un sawwa zu diah, ‘Do sinn miah’?

Hiob 6:4

Em Awlmechticha sei arrows shtekka in miah; mei geisht drinkt iahra gift. Ich binn fagelshtaht bei di sacha es Gott ufgleind hott geyyich mich.

Psalm 144:6

Shikk gviddah un shtroi dei feinda ausnannah, shees dei arrows un fayawk si.

Psalm 21:12

Du machsht si iahra bikkel drayya, vann du dei gezowwanah bow zeelsht an iahra ksichtah.

Psalm 29:3

Di shtimm fumm Hah drawkt ivvah di vassahra, da Gott funn hallichkeit dimmeld, da Hah dimmeld ivvah di grohsa vassahra.

Psalm 29:7

Di shtimm fumm Hah shikt feiyah-flamm naus.

Psalm 77:17

Di volka henn vassah runnah greyyaht, di himla henn gedimmeld, un di gviddah-shtrawla sinn zrikk un faddi ganga.

Psalm 77:18

Di yacht funn dimmel voah im himmel, gviddah-shtrawla henn di veld hell gmacht, un di eaht hott geziddaht un kshiddeld.

Jesoiya 30:30

Da Hah zayld sei hallichi shtimm heahra lossa, un zayld sei oahm sayna lossa am runnah shlauwa, mitt gleedichah zann un fazeahrich feiyah, mitt shlimmah haddah reyya, hohchah vind un shlohsa.

Joel 2:11

Em Hah sei shtimm dunnaht fannich sei greeks-gnechta; sei greeks-mennah sinn shteik un feel, un mechtich sinn selli es eem heicha. Da dawk fumm Hah is grohs un shreklich, veah kann's ausleida?

Habakuk 3:11

Di sunn un da moon im himmel henn shtill kshtanna, fumm glanz funn dei arrows am fleeya, fumm licht funn dei glitzahrichah shpiah.

4. Mosi 24:8

Gott hott een aus Egypta gebrocht; eah is so shteik vi's hann funn en vildah ox. Eah frest di heida uf es sei feinda sinn, un fabrecht iahra gnocha in shtikkah, un sheest si mitt sei arrows.

5. Mosi 32:23

Ich heifel veeshti sacha uf ivvah si, un shees awl mei arrows geyyich si.

5. Mosi 32:42

Ich mach mei arrows ksoffa mitt bloot, un mei shvatt zayld flaysh fressa. Ich mach awl di kfangana doht, un kebb di lang-heahricha feinda.”

Joshua 10:10

Da Hah hott si fashtatzt gmacht fannich Israel, un eah hott si kshlachta mitt en grohsi shlawdahrei an Gibeon. Israel hott si gyawkt am vayk nohch es nuff gayt noch Beth-Horon, un hott si nunnah kakt so veit es Azekah un Makkeda.

1. Samuel 2:10

Selli es geyyich da Hah sinn, vadda in shtikkah fabrocha. Eah dimmeld geyyich si fumm himmel; da Hah zayld richta ivvah di gans veld. Eah zayld macht gevva zu sei kaynich, un zayld's hann funn seim ksalbda hohch uf hayva.”