Psalm 16:10 - Pennsylvania Dutch Bible

¹⁰ Fa du zaylsht mich nett ivvah-gevva zu di veld funn di dohda, adda dei Heilichah fazeahra lossa.

Psalm 16:10 ပူးပေါင်းရင်းမြစ်များ

Hiob 11:8

So sacha sinn haychah es da himmel, vass kansht du du? Si sinn deefah es es grawb, vass kansht du vissa?

Psalm 139:8

Vann ich nuff in da himmel gay, dann bisht du datt; vann ich mich anna layk in's grawb, dann bisht du aw datt.

Psalm 49:15

Avvah Gott kawft mei sayl frei funn di gvald fumm grawb, fa eah nemd mich zu sich selvaht. (Sela)

Psalm 9:17

Di gottlohsa zayla in's grawb gay, un so doon awl di leit es Gott fagessa.

Shpricha 15:11

Da doht un's grawb sinn abgedekt fannich em Hah, vi feel may sinn di hatza funn mennah!

Shpricha 27:20

Da doht un's grawb vella immah noch may einemma, un so vella di awwa fumm mensh.

Jesoiya 14:9

Es grawb unna drunnah is uf kshtatt, am voahra fa dich ohdreffa vann du moll kumsht. Es risht di geishta funn di dohda, selli vo di evvahshti funn di eaht voahra. Es macht si uf shtay funn iahra kaynich-shteel, awl selli es kaynicha funn di heida voahra.

Jesoiya 5:14

Fasell is da abeditt funn di hell grohs vadda, un see macht iahra maul gans uf, datt nei gayn di hohch-gachta un awl di ivvahricha leit, awl di yachticha drubba un selli es blesiah noch gayn.

Daniel 9:24

Sivvatzich mohl sivva vocha is di zeit es ksetzt is fa dei leit un eiyah heilichi shtatt fa ufheahra ivvah-dredda. Fa en end macha funn sinda, fa opfahra macha fa ungettlichkeit, fa ayvichi gerechtichkeit rei bringa, fa di vision un vass gebroffetzeit is uf seala un fa's Alli-Heilichshta salba.

3. Mosi 19:28

Diah sellet kenn shnitt in eiyah leib macha vann diah veinet fa di dohda un aw kenn meiks uf eich macha. Ich binn da Hah.

Amos 9:2

Even vann si nunnah grawva in's grawb, funn datt zayld mei hand si hohla. Even vann si nuff in da himmel gayn, funn datt zayl ich si runnah bringa.

4. Mosi 6:6

Deich di gans zeit es si heilich sinn fannich em Hah daufa si nett nayksht zu ebbah dohdes gay.

Lukas 1:35

Avvah da engel hott ksawt zu iahra, “Da Heilich Geisht zayld uf dich kumma, un di graft fumm Alli-Haychshta zayld ivvah dich kumma. Deich sell zayld sell heilich kind vo geboahra vatt Gottes Sohn haysa.

Lukas 16:23

In di hell voah eah am leida un deich macha, un eah hott nuff gegukt un hott da Abraham funn veit ab ksenna, un da Lazarus voah in sei shohs.

Lukas 4:34

“Ach, vass hosht du zu du mitt uns, Jesus funn Nazareth? Bisht du kumma fa uns umbringa? Ich kenn dich, du bisht sellah Heilichah funn Gott.”

1. Korinther 15:42

So is es aw mitt di uffashtayung funn di dohda. Es is ksayt en leib es fafaula kann; es shtayt uf en leib es nett fafaula kann.

5. Mosi 32:22

En feiyah is ohkshtekt vatt bei mei zann, un brend biss nunnah in di niddahsht hell. Es frest di eaht un iahra frucht, un shtekt di mavvahra unnich di berga oh.

Di Offenbarung 1:18

Ich binn deah vo levendich is. Ich voah doht, avvah gukk, ich binn levendich fa immah un immah, Amen. Un ich habb di shlisla zu di hell un em doht.

Di Offenbarung 20:13

Da say hott di dohda ufgevva vo im say voahra. Da doht un di Hell henn di dohda ufgevva vo datt drinn voahra, un alli-ebbah voah gricht bei vass eah gedu katt hott.