Psalm 145:10 - Pennsylvania Dutch Bible

¹⁰ Alles es du gmacht hosht gebt dank zu diah, oh Hah, un dei saylichi zayla dich lohva.

Psalm 145:10 ပူးပေါင်းရင်းမြစ်များ

Psalm 103:22

Lohvet da Hah, alles es eah gmacht hott ivvahrawlich in sei Kaynich-Reich. Lohb da Hah, oh mei sayl.

Psalm 104:24

Oh Hah, vi feel sinn dei verka, in dei veisheit hosht du si awl gmacht. Di eaht is foll mitt dei levendichi sacha.

Psalm 149:5

Loss di saylicha froh sei in iahra hallichkeit, un singa mitt frayt vann si sich anna leiya.

Psalm 19:1

Di himla sawwa veyyich di hallichkeit funn Gott; un iahra grohsi himmel-shpann veist vass sei hend kshaffa henn.

Psalm 22:23

Diah es di furcht fumm Hah hend, lohvet een; awl diah, di nohch-kummashaft fumm Jakob, eahret een, un diah, di nohch-kummashaft funn Israel, gukket nuff zu eem.

Psalm 30:4

Singet lohb zumm Hah, diah saylichi, un preiset sei heilichah nohma.

Psalm 30:5

Fa sei zann bleibt yusht fa en awwa-blikk, avvah sei gnawt bleibt so lang es miah layva. Heiles un dreebsawl bleibt deich di gans nacht, avvah frayt kumd da neksht meiya.

Psalm 32:11

Froiyet eich ivvah da Hah, un seind fraylich diah gerechti; un singet mitt frayt, diah es ufrichtichi hatza hend.

Psalm 57:9

Ich zayl dich danka, oh Hah, unnich di leit, ich zayl diah lohb singa unnich di heida.

Psalm 68:26

Lohvet Gott in di fasamling; preiset da Hah, awl diah leit funn Israel.

Psalm 69:35

Fa Gott zayld Zion helfa, un zayld di shtett in Juda ivvah bauwa; sei leit zayla datt voona un's ivvah-nemma.

Psalm 97:12

Froiyet eich im Hah, diah gerechti, un preiset sei heilichah nohma.

Jesoiya 44:23

Singet mitt frayt, oh himla, fa da Hah hott dess gedu. Greish laut, du niddahsht dayl funn di eaht. Singet mitt frayt, diah berga un awl di baym in di busha. Fa da Hah hott da Jakob saylich gmacht, un veist's in sei hallichkeit deich Israel.

Hebräer 13:15

Losset uns, dann, di gans zeit en lohb-opfah opfahra zu Gott deich een; sell is, di frucht funn leftz es sei nohma bekenna.

1. Petrus 2:5

Un grawt vi levendichi shtay, so sind diah selvaht am ufgebaut vadda in en geishtlich haus fa en heilichi preeshtahshaft vo geishtlichi opfahra opfaht es ohgnumma sinn bei Gott deich Jesus Christus.

1. Petrus 2:9

Avvah diah sind en raus groofa kshlecht, en kaynichi preeshtahshaft, en heilich folk, en leit es zu Gott heaht, so es diah di vundahboahra sacha sawwa sellet veyyich eem, deah vo eich aus em dunkla groofa hott in sei vundahboahri helling.