Psalm 144:15 - Pennsylvania Dutch Bible

¹⁵ Ksaykend sinn di leit vann's so gayt mitt eena; ksaykend sinn di leit es Gott henn fa iahra Hah.

Psalm 144:15 ပူးပေါင်းရင်းမြစ်များ

2. Chronik 31:8

Vo do Hiskia un sei evvahshti kumma sinn un di heifa ksenna henn, henn si da Hah glohbt un di Kinnah-Israel ksaykend.

Psalm 146:5

Ksaykend is sellah es sei hilf grikt fumm Jakob sei Gott, sellah es sich falost uf da Hah, sei Gott,

Psalm 33:12

Ksaykend sinn di leit es da Hah iahra Gott macha, di leit es eah groofa hott fa sei eahbshaft sei.

Psalm 65:4

Ksaykend is sellah es du raus laysht, un nayksht bringsht fa in dei foah-hohfa voona. Miah sinn zufridda mitt di gooda sacha funn deim haus, dei heilichah tempel.

Psalm 89:15

Ksaykend sind di leit es singa kenna zu diah, si lawfa in di helling funn deim ksicht, oh Hah.

Epheser 1:3

Glohbt sei Gott un da Faddah funn unsahm Hah Jesus Christus, deah vo uns ksaykend hott in Christus mitt alli geishtlichi sayya in himlishi bletz.

5. Mosi 33:29

Ksaykend bisht du, oh Israel, veah is vi du, en leit saylich gmacht bei em Hah? Eah is eiyah shield un eiyah hilf, un di shvatt funn eiyah hallichkeit. Eiyah feinda bikka sich fannich eich un feicha sich, un diah shtambet iahra hohchi bletz nunnah.”