Psalm 136:6 - Pennsylvania Dutch Bible

⁶ deah es di eaht ivvah di vassahra auskshtrekt hott, fa sei shtandhaftichi-leevi bleibt ayvichlich;

Psalm 136:6 ပူးပေါင်းရင်းမြစ်များ

1. Mosi 1:9

Un Gott hott ksawt, “Loss es vassah unnich em himmel zammah ksammeld sei an ay blatz, un loss es drukka land sich veisa.” Un's voah so.

Hiob 26:7

Eah shtrekt da himmel in di natt naus ivvah's leahra, un henkt di eaht uf nix.

Hiob 37:18

kansht du eem helfa da himmel ausshtrekka, un en so hatt macha es en gegossanah shpikkel.

Psalm 24:2

Eah hott di eaht gegrund uf em deef vassah fumm say, un hott si uf di revvahra ksetzt.

Jesoiya 40:22

Eah hokt ovvich em ring funn di eaht, un di leit uf di eaht sinn vi hoi-shrekka. Eah shtrekt da himmel aus vi en curtain, vi en tent es leit drinn voona.

Jesoiya 42:5

Dess is vass Gott da Hah sawkt, deah es di himla kshaffa hott, un es si auskshtrekt hott; deah es di eaht gmacht hott, un alles es aus iahra kumd; deah vo di leit ohften gebt uf di eaht, un da geisht gebt zu selli es drinn lawfa:

Jesoiya 44:24

“Dess is vass da Hah sawkt— deah es dich saylich macht, un dich kshaffa hott in di muddahs-leib: Ich binn da Hah, deah es alles gmacht hott, deah laynich es di himla auskshtrekt hott, deah es di eaht ausglaykt hott gans laynich,

Jeremia 10:12

Gott hott di eaht gmacht mitt sei graft; eah hott di veld gmacht deich sei veisheit, un di himla deich sei fashtand.

Sacharia 12:1

Dess is es vatt fumm Hah veyyich Israel. Da Hah, deah es di himla auskshtrekt hott, deah es di mavvah funn di eaht gmacht hott un es da ohften in da mensh gedu hott—sellah Hah sawkt: