Psalm 136:16 - Pennsylvania Dutch Bible

¹⁶ deah es sei leit deich di vildahnis kfiaht hott, fa sei shtandhaftichi-leevi bleibt ayvichlich;

Psalm 136:16 ပူးပေါင်းရင်းမြစ်များ

Nehemia 9:12

Du hosht si kfiaht mitt en volka-poshta dawks, un mitt en feiyah-poshta nachts, fa eena licht gevva uf em vayk es si gay sella.

Nehemia 9:19

doch, du in dei grohsi bamhatzichkeit, hosht si nett falossa in di vildahnis. Da volka-poshta hott si nett falossa dawks, fa eena da vayk veisa, un aw nett da feiyah-poshta nachts, fa da vayk hell macha es si gay henn sella.

Psalm 77:20

Du hosht dei leit kfiaht vi en drubb shohf, mitt di hand fumm Mosi un em Aaron.

2. Mosi 13:18

Fa sell hott Gott di leit deich di vildahnis fumm Rohda Say kfiaht. Un di Kinnah-Israel sinn aus Egypta ganga, grisht vi greeks-gnechta.

2. Mosi 15:22

No hott da Mosi di Kinnah-Israel vekk fumm Rohda Say kfiaht, un si sinn in di Vildahnis funn Sur ganga. Si sinn drei dawk in di vildahnis ganga un henn kenn vassah kfunna.

Jesoiya 49:10

Si zayla nett hungahrich adda dashtich sei, un di hitz un sunn dreft si nett. Sellah es bamhatzich is zu eena zayld si fiahra, un si an vassah-shpringa bringa.

5. Mosi 11:5

Diah visset vass eah gedu hott fa eich in di vildahnis biss diah do heah kumma sind,

5. Mosi 8:15

Eah hott eich deich selli grohs un heslich vildahnis kfiaht, datt vo giftichi shlanga, scorpions un dashtichah grund unni vassah voah. Eah hott eich vassah aus em hadda shtay gebrocht.

5. Mosi 8:2

Fagesset nett awl da vayk es da Hah eiyah Gott eich kfiaht hott dee fatzich yoah in di vildahnis, so es eah eich daymeedicha un ausbroviahra hott kenna fa sayna vass in eiyah hatz voah, un eb diah sei gebodda ausdrawwet adda nett.