Psalm 124:3 - Pennsylvania Dutch Bible

³ dann hedda si uns levendich uf kshlukt, vo iahra zann gebrend hott geyyich uns;

Psalm 124:3 ပူးပေါင်းရင်းမြစ်များ

Esther 3:6

Vo eah auskfunna hott es da Mordecai en Yutt voah, hott eah ausgmacht fa nett yusht da Mordecai shtrohfa, avvah eah hott gegukt fa en vayk es eah awl sei leit di Yudda doht macha kann, gans deich em Ahasveros sei kaynich-reich.

Psalm 27:2

Vann evil-shaffah uf mich kumma fa mich fareisa, vann mei feinda un selli es mich hassa, geyyich mich kumma, dann zayla si shtolbahra un anna falla.

Psalm 35:25

Loss si nett denka, “Aha, grawt vass miah henn vella!” adda sawwa, “Miah henn een uf kshlukt.”

Psalm 57:3

Eah shikt miah saylichkeit fumm himmel, un zankt selli es mich nunnah dredda. (Sela) Gott shikt sei leevi un voahheit raus.

Psalm 74:8

In iahra hatza henn si ksawt, “Vella si gans nunnah drikka.” Si henn awl di fasamling-heisah funn Gott fabrend im land.

Psalm 76:10

Da zann funn mensha gebt diah yusht may eah, un mitt em zann vo ivvahrich is glaytsht du dich.

Psalm 83:4

Si sawwa, “Kummet, vella si ausreiva es en folk, so es da nohma funn Israel gans fagessa vatt.”

Psalm 83:5

Si shaffa zammah geyyich dich mitt ay meind, un macha en bund geyyich dich—

Shpricha 1:12

vella si levendich shlukka vi da doht dutt, vella si gans shlukka vi's grawb dutt;

Jeremia 51:34

“Da Kaynich Nebukadnezar funn Babylon hott uns kfressa, un uns in di shtatt funn Jerusalem umgebrocht, eah hott uns ausgleaht vi en leahrah tsheah. Eah hott uns kshlukt vi en shlang, un hott sei mawwa kfild mitt unsah besht sach, no hott eah's ivvahricha raus kshpautzt.”

Daniel 3:19

No voah da Nebukadnezar gans heslich bays mitt em Shadrach, Meshach un em Abednego, un sei ksicht voah fashteld geyyich si. Eah hott ksawt di gnechta sella da offa sivva mohl haysah macha es vi gvaynlich.

Jona 1:17

Avvah da Hah hott en grohsah fish grisht fa da Jona shlukka. Un da Jona voah im fish sei bauch fa drei dawk un drei necht.

Matthäus 2:16

Vo da Herodes ksenna hott es di mennah mitt veisheit een fafiaht henn, voah eah oahrich bays un hott addahs gevva fa awl di glenna boovlen doht macha in Bethlehem un nayksht datt rumm. Si henn sella awl dee doht macha es zvay yoah ald un yingah voahra. Dess hott eikseit mitt di zeit es eah auskfunna katt hott funn di mennah mitt veisheit.

Di Apostelgeschichte 9:2

un hott een kfrohkt fa breefa zu di Yudda gmayna an Damascus, so es vann eah ennichi leit funn demm vayk finna dayt, mansleit un veibsleit, es eah si binna deift un si zrikk an Jerusalem bringa.