Psalm 122:6 - Pennsylvania Dutch Bible

⁶ Baydet fa fridda in Jerusalem: “Loss es goot gay mitt selli es dich leeb henn.

Psalm 122:6 ပူးပေါင်းရင်းမြစ်များ

1. Mosi 12:3

Ich zayl selli saykna es dich saykna, un sellah faflucha es dich faflucha. Un deich dich zayla awl di kshlechtah uf di eaht ksaykend vadda.”

Nehemia 11:1

Nau di evvahshta funn di leit henn in Jerusalem gvoond. Avvah di ivvahricha funn di leit henn's lohs gezowwa fa aynah aus zeyya rei bringa in di heilich shtatt Jerusalem fa datt voona, diveil es di anra neina in iahra aykni shtett bleiva.

Nehemia 11:2

Un di leit henn awl di mennah ksaykend es frei-villich in Jerusalem voona henn vella.

Esther 4:8

Eah hott eem aw en copy fumm gebott gevva es naus gedu voah in di shtatt Susa fa di Yudda leit doht macha. Eah hott dess gedu so es eah di Esther dess veisa kann, un see macha nei gay zumm kaynich un frohwa fa bamhatzichkeit, un es see ohhald zu eem veyyich iahra leit.

Psalm 51:18

Deich dei gnawt du goot zu Zion; bau di mavvahra funn Jerusalem uf.

Jesoiya 62:7

Un gevvet eem kenn roo, biss eah Jerusalem ufsetzt un macht see glohbt ivvah di gans eaht.

Jesoiya 66:10

“Froiyet eich mitt Jerusalem un seind froh fa see, awl diah es see leeb hend; seind oahrich froh mitt iahra, diah es keild hend ivvah see.

Jeremia 29:7

Suchet's beshta fa di shtatt es ich eich glost habb anna kfiaht vadda. Baydet zumm Hah fa di shtatt, fa vann's goot gayt mitt di shtatt, dann gayt's aw goot mitt eich.”

Jeremia 51:50

“Diah es nett doht gmacht voahret mitt em shvatt, falosset sell land grawt nau, doond's nett ab! Fagesset da Hah nett in sellem land veit ab, un denket an Jerusalem.

4. Mosi 24:9

Eah laykt sich nunnah un voaht vi en layb, un vi en muddah-layb—veah dauf een ufshtadda? Ksaykend is sellah es dich saykend, un faflucht is sellah es dich faflucht!”

Johannes 17:21

so es si awl ayns sinn, grawt vi du, Faddah, in miah bisht, un ich in diah. So es si aw ayns in uns sei kenna, un es di veld glawva kann es du mich kshikt hosht.

Epheser 4:3

Seind fleisich fa di aynichkeit im Geisht halda deich da fridda es miah gebunna sinn mitt.

2. Thessalonicher 3:16

Nau vinsha miah es da Hah funn fridda selvaht, eich immah fridda gebt in alli vayya. Da Hah sei bei eich awl.

1. Johannes 3:14

Miah vissa es miah aus em doht in's layva kumma sinn, veil miah di breedah leeva. Deah vo sei broodah nett leebt, bleibt im dohda.

1. Samuel 12:23

Un veyyich miah selvaht, es soll selayva nett sei es ich sindich geyyich da Hah bei ufheahra bayda fa eich. Ich zayl ohhalda eich lanna vass da goot un recht vayk is.