Psalm 122:1 - Pennsylvania Dutch Bible

¹ Ich voah froh vo si ksawt henn zu miah, “Vella nuff an's haus fumm Hah gay.”

Psalm 122:1 ပူးပေါင်းရင်းမြစ်များ

Psalm 119:111

Dei zeiknisa sinn mei eahbshaft fa'immah, fa si sinn di frayt funn meim hatz.

Psalm 120:1

Ich roof zumm Hah in mei noht, un eah gebt miah andvat.

Psalm 121:1

Ich gukk nuff zu di hivla; vo mei hilf kumd difunn?

Psalm 123:1

Ich hayb mei awwa nuff zu diah, zu diah es uf em kaynich-shtool hokt im himmel.

Psalm 124:1

Vann da Hah nett uf unsah seit gvest veah— loss Israel nau sawwa—

Psalm 125:1

Selli es in da Hah drauwa, sinn vi da Berg Zion es nett gmooft sei kann, un shtayt ayvichlich.

Psalm 126:1

Vo da Hah di kfangana zrikk zu Zion gebrocht hott, voahra miah vi mennah am drohma.

Psalm 127:1

Vann da Hah's haus nett baut, dann is di eahvet funn di shaff-leit fa nix. Vann da Hah nett ivvah di shtatt vatsht, dann doon di vatshah es vatsha fa nix.

Psalm 128:1

Ksaykend is alli-ebbah es da Hah fircht, un in seim vayk lawft.

Psalm 129:1

Si henn mich oft veesht fafolkt funn meim yungem uf. Nau loss Israel sawwa,

Psalm 130:1

Aus em deefa roof ich zu diah, oh Hah.

Psalm 131:1

Mei hatz is nett shtols, oh Hah, un ich hayb mei awwa nett hohch uf. Ich hald mich nett uf mitt grohsi sacha, adda sacha es zu vundahboah sinn fa mich.

Psalm 132:1

Oh Hah, denk an da Dawfit, un an alles es eah deich gmacht hott.

Psalm 133:1

Gukket moll! Vi goot un shay es es is vann breedah bei-nannah voonah in aynichkeit.

Psalm 134:1

Gukket moll! Lohvet da Hah awl diah gnechta fumm Hah, diah es nachts abvoahret im Hah sei haus.

Psalm 26:8

Oh Hah, ich habb's haus leeb es du drinn voonsht, da blatz vo dei hallichkeit bleibt.

Psalm 42:4

Diveil es ich mei hatz ausleah, denk ich an dee sacha: vi ich als mitt di leit ganga binn, un habb si an's haus funn Gott kfiaht, am singa mitt frayt un en dankboah hatz, unnich di leit es am da feiyah-dawk halda voahra.

Psalm 55:14

Miah henn als seesi freindshaft katt mitt-nannah, un sinn mitt-nannah gloffa unnich di leit in Gott sei haus.

Psalm 84:10

'Sis bessah fa ay dawk im hohf funn deim haus sei, es en dausend eiyets shunsht. Ich vett leevah en deah-heedah sei in mei Gott sei haus, es vi in di tents funn di gottlohsa voona.

Jesoiya 2:3

Feel leit zayla kumma un sawwa, “Kummet, vella nuff uf da berg fumm Hah gay, an's haus fumm Gott fumm Jakob. Eah zayld uns sei vayya lanna, so es miah in sei pawda lawfa kenna.” Es ksetz zayld naus gay funn Zion, un em Hah sei vatt funn Jerusalem.

Jeremia 31:6

Da dawk zayld kumma vann di heedah uf di hivla in Ephraim sawwa zayla, ‘Kummet, vella nuff an Zion gay, zumm Hah unsah Gott.’”

Ezekiel 46:10

Vann di leit nei gayn, soll da feddahsht roolah aw nei gay, un vann di leit naus gayn soll eah aw naus gay.

Micha 4:2

Feel heida kumma bei un sawwa, “Kummet, vella nuff an da berg fumm Hah gay, an's Haus fumm Jakob sei Gott, so es eah uns land veyyich sei vayya, un so es miah in sei pawt lawfa kenna.” Es ksetz zayld naus gay funn Zion, un em Hah sei vatt funn Jerusalem.