Psalm 119:81 - Pennsylvania Dutch Bible

⁸¹ Mei sayl hott en falanga fa dei saylichkeit, ich du mei hofning in dei vatt.

Psalm 119:81 ပူးပေါင်းရင်းမြစ်များ

Hiob 19:27

Ich zayl een selvaht sayna, mitt mei aykni awwa, un nimmand shunsht. Ich habb en falanga in meim hatz.

Psalm 119:114

Du bisht mei shield un da blatz es ich mich fashtekla kann, ich du mei hofning in dei vatt.

Psalm 119:20

Mei sayl fazeaht sich mitt en falanga fa dei adnunga di gans zeit.

Psalm 119:40

Gukk moll, ich habb en falanga fa dei adnunga, gebb miah layva in dei gerechtichkeit.

Psalm 119:41

Loss dei shtandhaftichi-leevi zu miah kumma, oh Hah, mach mich saylich so vi du fashprocha hosht.

Psalm 119:42

No kann ich andvat gevva zu sellah es mich fashpodda dutt, fa ich faloss mich uf dei vatt.

Psalm 119:43

Nemm nett's vatt funn di voahheit aus meim maul, fa ich hoff in dei adnunga.

Psalm 119:74

Selli es dei furcht henn, froiya sich vann si mich sayna, veil ich hofning in dei vatt du.

Psalm 119:77

Loss dei bamhatzichkeit zu miah kumma so es ich layb, fa ich habb frayt in deim ksetz.

Psalm 130:5

Ich voaht uf da Hah, mei sayl voaht, un ich du mei hofning in sei vatt.

Psalm 73:26

Mei leib un mei hatz mechta shvach vadda, avvah Gott is di graft funn meim hatz un mei dayl fa'immah.

Psalm 84:2

Mei sayl hott en falanga un en oahrichah vinsh fa im hohf fumm Hah sei haus sei. Mei hatz un leib froiya sich im levendicha Gott.

Hohches Leet 5:8

Oh yungi mayt funn Jerusalem, ich frohk eich, vann diah mei beleebdah finnet, sawwet eem es ich matt binn mitt leevi fa een.