Psalm 119:78 - Pennsylvania Dutch Bible

⁷⁸ Loss di shtolsa sich shemma fa miah letz du unni shuld, avvah ich hald mich uf mitt dei adninga.

Psalm 119:78 ပူးပေါင်းရင်းမြစ်များ

Psalm 1:2

Avvah sei frayt is mitt em Ksetz fumm Hah, un eah denkt veyyich seim Ksetz dawk un nacht.

Psalm 109:3

Si henn mich umgringd mitt vadda funn hass, un si shtreida geyyich mich unni uahsach.

Psalm 119:15

Ich denk dei adnunga ivvah, un nemm dei vayya zu hatz.

Psalm 119:21

Du zanksht di shtolsa es faflucht sinn, selli es vekk lawfa funn dei gebodda.

Psalm 119:23

Even vann roolahs hokka un geyyich mich shvetza, dann hald dei gnecht sich alsnoch uf mitt dei gebodda.

Psalm 119:51

Di shtolsa doon mich veesht fashpodda, avvah ich dray nett vekk funn deim ksetz.

Psalm 25:3

Selli es iahra hofning in dich doon, zayla nee nett zumm shohm gebrocht sei. Avvah selli es geyyich dich shaffa unni uahsach, zayla sich shemma.

Psalm 35:26

Loss selli sich shemma un gedaymeedicht vadda, es sich froiya ivvah mei dreebsawl. Loss selli geglayt sei mitt shohm un shand, es sich uf hayva ovvich mich.

Psalm 35:7

Fa unni uahsach henn si iahra net ksetzt fa mich; unni uahsach henn si en loch gegrawva fa mich fanga.

Psalm 69:4

Selli es mich hassa unni uahsach, sinn may es di hoah uf meim kobb. Selli es mich umbringa vella sinn mechtich, un sinn mei feinda unni uahsach. Vass ich nett kshtohla habb muss ich nau zrikk gevva.

Jeremia 50:32

Du shtolsichah zaylsht shtolbahra un falla, un nimmand zayld diah uf helfa; ich shtekk dei shtett oh mitt feiyah, un's brend alles uf um si rumm.”

Johannes 15:25

Dess is fa's Vatt folfilla vo kshrivva is in iahrem Ksetz, ‘Si henn mich kast unni uahsach.’

1. Petrus 2:20

Fa vass fa en eah is es zu diah vann du gegaysheld vasht fa ebbes letzes du, un du nemsht's mitt geduld? Avvah vann du recht dusht, un du musht leida difoah mitt geduld, sell is en frayt zu Gott.

1. Samuel 24:17

Eah hott no ksawt zumm Dawfit, “Du bisht may gerecht es ich binn. Du voahsht goot zu miah, avvah ich habb letz gedu zu diah.

1. Samuel 26:18

No hott eah veidah ksawt, “Favass is mei meishtah am sei gnecht nohch gay? Vass habb ich gedu? Vass fa evil is in mei hand?