Psalm 119:2 - Pennsylvania Dutch Bible

² Ksaykend sinn selli es sei zeiknisa halda, selli vo een sucha mitt iahra gans hatz,

Psalm 119:2 ပူးပေါင်းရင်းမြစ်များ

1. Kaynicha 2:3

Gebb acht un du vass da Hah dei Gott foddaht: Lawf in sei vayya, du vass eah sawkt un hald sei gebodda un adnunga, un sei so vi's kshrivva is im Ksetz fumm Mosi, so es alles goot ausshaft fa dich in alles es du dusht un vo-evvah du anna gaysht.

1. Chronik 22:19

Nau setzet eiyah hatz un sayl fa da Hah eiyah Gott sucha. Fanget oh da tempel fumm Gott da Hah bauwa, so es diah di Bundes-Lawt fumm Hah, un's heilich ksha funn Gott in da tempel bringet es gebaut sei zayld fa da Nohma fumm Hah.”

2. Chronik 31:21

In alles es eah ohkfanga hott fumm deensht im Gott sei tempel fa's Ksetz un di gebodda halda hott eah gedu bei sei Gott folshtendich sucha. Deich sell hott's goot auskshaft fa een.

Psalm 105:45

so es si sei gebodda halda sella, un du vass sei ksetza sawwa. Halleluja!

Psalm 119:10

Ich such dich mitt mei gans hatz, loss mich nett vekk gay funn dei gebodda.

Psalm 119:101

Ich hald mei fees vekk funn alli evili pawt, so es ich dei vatt halda kann.

Psalm 119:115

Gaynd vekk funn miah, diah gottlohsi, so es ich di gebodda funn meim Gott halda kann.

Psalm 119:146

Ich roof naus zu diah, helf miah, ich zayl dei zeiknisa halda.

Psalm 119:17

Sei goot zu miah, dei gnecht, so es ich layb un dei vatt halda du.

Psalm 119:22

Loss si mich nett fa'achta un fashpodda, fa ich hald dei zeiknisa.

Psalm 119:33

Lann mich da vayk funn dei gebodda, oh Hah, un ich zayl si halda biss an's end.

Psalm 119:34

Mach mich fashtay, so es ich dei ksetz halda kann, un's du mitt meim gans hatz.

Psalm 119:57

Du bisht mei dayl, oh Hah, un ich fashprech fa dei vadda halda.

Psalm 119:69

Di shtolsa henn mei nohma fashmiaht mitt leeya, ich hald dei adnunga mitt mei gans hatz.

Psalm 119:88

Deich dei shtandhaftichi-leevi, mach mei layva viddah shteik, so es ich di zeiknisa funn deim maul halda kann.

Psalm 25:10

Awl di vayya fumm Hah sinn oahrich goot un shtandhaftich, zu selli es sei bund un gebodda halda.

Shpricha 23:26

Mei sohn, gebb miah dei hatz, un loss dei awwa sich froiya fa mei vayk halda,

Jeremia 29:13

Diah zaylet mich sucha un mich finna, vann diah mich suchet mitt eiyahm gans hatz.

Ezekiel 36:27

Ich zayl mei Geisht in eich du un mach es diah mei gebodda nohch lawfet un mei ksetz halda doond.

Johannes 14:23

Jesus hott eem ksawt, “Vann ebbah mich leeb hott, hald eah mei Vatt. Un mei Faddah leebt een, un miah kumma zu eem un macha unsah haymet bei eem.

5. Mosi 4:29

Avvah vann diah datt da Hah eiyah Gott suchet, dann zaylet diah een finna vann diah een suchet mitt eiyah gans hatz un sayl.

5. Mosi 6:17

Diah sellet di gebodda fumm Hah eiyah Gott halda, sei zeiknisa un ksetza es eah eich gebodda hott.

5. Mosi 6:5

Lohvet da Hah eiyah Gott mitt eiyah gans hatz, mitt eiyah gansi sayl un mitt awl eiyah grefta.

1. Johannes 3:20

Avvah vann unsah hatza uns fadamma doon, Gott is graysah vi unsah hatza un eah vayst alli sacha.