Psalm 119:174 - Pennsylvania Dutch Bible

¹⁷⁴ Ich habb en falanga fa dei saylichkeit, oh Hah, un ich habb frayt in deim ksetz.

Psalm 119:174 ပူးပေါင်းရင်းမြစ်များ

1. Mosi 49:18

Oh Hah, ich voaht fa dei saylichkeit.

2. Samuel 23:5

Is nett mei haus so mitt Gott? Fa eah hott en ayvich bund gmacht mitt miah, es grisht is un fesht gmacht gans deich. Kann ich mich nett falossa uf sei hilf, un es eah mei alli falanga gebt zu miah?

Psalm 1:2

Avvah sei frayt is mitt em Ksetz fumm Hah, un eah denkt veyyich seim Ksetz dawk un nacht.

Psalm 119:111

Dei zeiknisa sinn mei eahbshaft fa'immah, fa si sinn di frayt funn meim hatz.

Psalm 119:16

Ich habb frayt in dei gebodda, un zayl dei vatt nett fagessa.

Psalm 119:162

Ich froi mich ivvah dei vatt, so es vi ebbah es oahrich keshtlich sach find.

Psalm 119:24

Ich habb frayt mitt dei zeiknisa, si sinn mei roht-gevvah.

Psalm 119:41

Loss dei shtandhaftichi-leevi zu miah kumma, oh Hah, mach mich saylich so vi du fashprocha hosht.

Psalm 119:47

Ich habb frayt in dei gebodda, veil ich si leeb habb.

Psalm 119:77

Loss dei bamhatzichkeit zu miah kumma so es ich layb, fa ich habb frayt in deim ksetz.

Psalm 119:81

Mei sayl hott en falanga fa dei saylichkeit, ich du mei hofning in dei vatt.

Shpricha 13:12

Hofning es voahra muss, gebt em hatz angsht, avvah en falanga es folfild is, is vi en bohm funn layva.

Hohches Leet 5:8

Oh yungi mayt funn Jerusalem, ich frohk eich, vann diah mei beleebdah finnet, sawwet eem es ich matt binn mitt leevi fa een.

Philipper 1:23

Ich binn zvishich zvay falanga. Ich habb en falanga fa falossa un bei Christus sei, un sell veah feel bessah.